2 Kronikols 28:8 - Pijin Bible

⁸ Nomata pipol blong Jiuda i wantok long pipol blong Israel, olketa soldia blong Israel i kasholem 200,000 woman an pikinini blong Jiuda, an tekem olketa go long Samaria. An olketa tekem go plande gudfala samting blong olketa tu.

Pijin Deuterocanon

⁸ Nomata pipol blong Jiuda i wantok long pipol blong Israel, olketa soldia blong Israel i kasholem 200,000 woman an pikinini blong Jiuda, an tekem olketa go long Samaria. An olketa tekem go plande gudfala samting blong olketa tu.

2 Kronikols 28:8 ပူးပေါင်းရင်းမြစ်များ

2 Kings 6:22

Bat hemi ansa olsem, “Nomoa, yu no kilim olketa dae. Sapos yu kasholem olketa man long faet, yu no save kilim olketa dae. Hemi no stret fo duim olsem. Yu givim kaikai an wata long olketa, an yu letem olketa gobaek long king blong olketa.”

2 Kronikols 11:4

‘Yawe nao hemi tok olsem: Yufala mas no go faetem olketa brata blong yufala. Yufala evriwan mas gobaek long hom, bikos mi nomoa, mi mekem samting ya fo hapen.’” So olketa obeim toktok blong Yawe, an no go faet agensim Jeroboam.

2 Kronikols 28:11

!Yufala lisin kam! !Yawe hemi kros finis long yufala! !Yufala mas sendem gobaek olketa wantok blong yufala wea yufala bin kasholem!”

2 Kronikols 28:7

Long datfala taem, Sikri hu hemi nambawan soldia blong Efrem, hemi kilim dae trifala bikman blong Jiuda olsem: Maasea, san blong King Ehas, an Asrikam wea hemi bikman long haos blong king, an Elkana wea hemi nambawan bikman blong king.

Aesaea 9:21

Bae olketa long traeb blong Manase i faetem olketa wantok blong olketa long traeb blong Efrem, an bae olketa long traeb blong Efrem i faetem olketa long traeb blong Manase. An bae tufala traeb i joen tugeta fo faetem olketa wantok blong olketa long traeb blong Jiuda. Bat nomata Yawe hemi panisim olketa olsem, hemi gohed fo kros nomoa long olketa. An bae hemi redi fo panisim olketa moa.

Aposol 13:26

“Yufala olketa wantok long laen blong Ebraham, an yufala olketa nara pipol hu i kam fo wosipim God, long yumi nao God hemi givim kam disfala mesij wea bae hemi sevem yumi evriwan.

Aposol 7:26

Long neks de, Mosis hemi lukim tufala man blong Israel tufala gohed fo faet. Nao hemi trae fo stopem tufala fo no faet, an hemi sei, ‘!Sei tufala! ?Yutufala wantok nomoa ya, so waswe nao yutufala faet olsem?’

Diutronomi 28:25

“Yawe bae hemi mekem olketa enemi blong yufala fo winim yufala. Nomata yufala kam tugeta wantaem fo faetem olketa, bae yufala ranawe long evri deferen rod. An pipol long wol bae tingim yufala nao i wanfala ravis samting.

Diutronomi 28:41

Bae yufala garem olketa pikinini boe an gele, bat bae yufala lusim olketa bikos bae olketa soldia i kam fo tekem olketa.