2 Kronikols 28:18 - Pijin Bible

¹⁸ Long semtaem tu, ami blong Filistia i kam faet long olketa taon blong Jiuda long olketa hil long west, an long drae eria long saot. Olketa winim an tekova long olketa taon olsem: Bet-Semes, an Aejalon, an Gederot, an Soko, an Timna, an Gimso, wetem olketa vilij raonem olketa taon ya.

Pijin Deuterocanon

¹⁸ Long semtaem tu, ami blong Filistia i kam faet long olketa taon blong Jiuda long olketa hil long west, an long drae eria long saot. Olketa winim an tekova long olketa taon olsem: Bet-Semes, an Aejalon, an Gederot, an Soko, an Timna, an Gimso, wetem olketa vilij raonem olketa taon ya.

2 Kronikols 28:18 ပူးပေါင်းရင်းမြစ်များ

2 Kings 18:8

Hemi go faetem olketa pipol blong Filistia, an winim olketa, nao hemi tekem evrisamting blong olketa, stat long olketa smol vilij blong olketa go kasem olketa bikfala taon. hemi winim olketa go kasem taon long Gasa an eria raonem hem.

Aesaea 9:12

Hemi mekem ami blong Siria long ist an ami blong Filistia long west fo kam an spoelem finis olketa pipol blong Israel. Bat nomata Yawe hemi panisim olketa olsem, hemi gohed fo kros nomoa long olketa. An bae hemi redi fo panisim olketa moa.

Esikiel 16:27

“So, fo panisim yu, mi tekemaot haf long lan blong yu an evri gudfala samting wea mi bin givim long yu bifoa. Olketa enemi blong yu long Filistia, oltaem olketa laekem tumas fo tekova long lan blong yu, so mi letem olketa winim yu. Nomata olketa ya i hiden pipol, olketa les tumas long disfala ravis wei blong yu fo durong olobaot nomoa wetem olketa man. So mi letem olketa mekem yu safa tumas.

Esikiel 25:15

“Lod Yawe nao hemi tok olsem: Fo longtaem nao, olketa blong kantri long Filistia i enemi wetem pipol blong Jiuda an faet baek agensim olketa. Olketa gohed fo faet agensim olketa ya fo sensimbaek wanem olketa blong Jiuda i bin duim long olketa ya ka-kam kasem tude. Olketa barava heitem olketa ya.

Josua 15:10

Spialaen ya hemi raon go moa long west saet blong taon long Baala, an hemi go stret long olketa hil long Idom, an hemi gopas kolsap long saet long not blong hil long Kiriat-Jearim. Narafala nem blong hil ya nao Kesalon. Hemi godaon moa go-go kasem taon long Bet-Semes, an hemi go moa pasim taon long Timna.

Josua 15:41

an Gederot, an Bet-Dagon, an Naama an Makeda. Hem nao sikstinfala taon wea i stap long datfala eria wetem olketa vilij wea i stap raonem olketa.

Josua 15:48

An nem blong olketa taon blong olketa long hil ples hemi olsem: Samia, an Jatia, an Soko,

Jajis 14:1

Wanfala taem, Samson hemi godaon long taon long Timna, an hemi lukim wanfala gele blong Filistia.

1 Samuel 17:1

Wanfala taem, ami blong Filistia i kamap tugeta fo faetem pipol blong Israel. Olketa kam long Soko, wanfala taon long distrik long Jiuda, an putumap olketa haostent blong olketa long Efes-Damim, wanfala ples midol long tufala taon long Soko an Aseka.

1 Samuel 6:9

Oraet, yufala mas lukluk long tufala fo save sapos tufala karim Tambu Boks ya go stret long taon long Bet-Semes long kantri blong hem. Sapos hem olsem, hem nao hem minim wea Yawe hemi spoelem yumi. Bat sapos tufala no go stret long ples ya, hem minim i no God blong olketa wea i sendem disfala bikfala trabol long yumi, bat hem badlak nomoa.”