2 Kronikols 26:2 - Pijin Bible

² Bihaen long taem wea Amasaea hemi dae, King Yusaea hemi go faet long taon long Elat, an hemi tekembaek taon ya, an hemi bildimbaek moa.

Pijin Deuterocanon

² Bihaen long taem wea Amasaea hemi dae, King Yusaea hemi go faet long taon long Elat, an hemi tekembaek taon ya, an hemi bildimbaek moa.

2 Kronikols 26:2 ပူးပေါင်းရင်းမြစ်များ

2 Kings 14:22

Bihaen long taem wea Amasaea hemi dae, King Asaraea hemi go faet long taon long Elat, an hemi tekembaek taon ya, an hemi bildimbaek moa.

2 Kings 16:6

An wanfala taem, King Resin blong Siria hemi kam fo faetem pipol blong Jiuda long taon long Elat. Hemi raosim olketa, an tekembaek taon ya. Den olketa pipol blong Idom i kam stap long Elat, an olketa stap kam long hem kam kasem tude.

2 Kronikols 25:23

Bat King Jehoas blong Israel hemi kasholem King Amasaea. Den King Jehoas an ami blong hem i go long Jerusalem, an olketa brekemdaon bikfala wolston blong taon ya, stat long disfala Geit blong Efrem, go kasem Geit blong Kona. Pat long wolston wea olketa brekemdaon hemi samting olsem 180 mita.

2 Kronikols 25:28

Den olketa yusim hos fo karim bodi blong hem kambaek long Jerusalem. Olketa berem hem long beregraon blong olketa king long Biktaon blong King Deved.

2 Kronikols 26:1

Nao Yusaea hemi san blong Amasaea, an olketa pipol blong Jiuda i mekem hem fo kamap king. Long datfala taem hemi kasem sikstin yia.

2 Kronikols 26:3

Taem hemi kamap king hemi kasem sikstin yia. An hemi king long Jerusalem fo fifti-tu yia. Mami blong hem hemi Jekolaea hu hemi woman blong Jerusalem.

2 Kronikols 8:17

King hemi go long tufala taon long Esion-Geba an Elat long saetsi long Idom.