2 Kronikols 26:1 - Pijin Bible

¹ Nao Yusaea hemi san blong Amasaea, an olketa pipol blong Jiuda i mekem hem fo kamap king. Long datfala taem hemi kasem sikstin yia.

Pijin Deuterocanon

¹ Nao Yusaea hemi san blong Amasaea, an olketa pipol blong Jiuda i mekem hem fo kamap king. Long datfala taem hemi kasem sikstin yia.

2 Kronikols 26:1 ပူးပေါင်းရင်းမြစ်များ

2 Kings 14:1

Long mektu yia wea Jehoas hemi king long Israel, Amasaea, san blong King Joas, hemi kamap king long Jiuda.

2 Kings 14:21

Nao Asaraea hemi san blong Amasaea, an olketa pipol blong Jiuda i mekem hem fo kamap king. Long datfala taem hemi kasem sikstin yia.

1 Kronikols 3:12

an Amasaea hemi bonem Asaraea, an Asaraea hemi bonem Jotam, an Jotam hemi bonem Ahas,

2 Kronikols 22:1

Ahasaea hemi lasbon blong King Jehoram. Olketa pipol blong Jerusalem i mekem hem sensim dadi blong hem fo kamap king bikos olketa soldia blong Arab i bin kam kilim dae olketa narafala san blong Jehoram ya. So Ahasaea, san blong King Jehoram, hemi kamap king long Jiuda.

2 Kronikols 25:28

Den olketa yusim hos fo karim bodi blong hem kambaek long Jerusalem. Olketa berem hem long beregraon blong olketa king long Biktaon blong King Deved.

2 Kronikols 26:2

Bihaen long taem wea Amasaea hemi dae, King Yusaea hemi go faet long taon long Elat, an hemi tekembaek taon ya, an hemi bildimbaek moa.

2 Kronikols 33:25

Den olketa pipol blong Jiuda i go kilim dae olketa bikman hu i bin kilim dae Amon, an olketa mekem Josaea, san blong Amon fo kamap king.

Aesaea 1:1

Olketa toktok ya, hemi profesi wea Yawe hemi talem long Profet Aesaea, san blong Amoj, fo hemi talemaot long olketa pipol blong Jerusalem wetem olketa pipol blong Jiuda. Profet ya hemi talemaot olketa toktok ya long taem blong King Yusaea, an long taem blong King Jotam, an long taem blong King Ehas, an long taem blong King Hesekaea. Olketa evriwan ya i king long Jiuda.

Hosia 1:1

Hem ya nao Mesij blong Yawe wea hemi talemaot long Profet Hosia, san blong Beeri. Yawe hemi somaot Mesij ya long hem, long taem blong King Yusaea, an long taem blong King Jotam, an long taem blong King Ehas, an long taem blong King Hesekaea, wea evriwan i bin king long Jiuda, an long taem ya tu King Jeroboam, san blong Jehoas, hemi bin king long Israel.

Emos 1:1

Olketa toktok ya, hemi profesi abaotem Israel wea Yawe hemi talem long Profet Emos. Profet Emos, hemi man hu hemi onam olketa sipsip, an hemi man blong taon long Tekoa, long Jiuda. Profet hemi talemaot olketa toktok ya, tufala yia bifoa bikfala etkuek hemi kasem olketa. Long datfala taem, King Yusaea hemi king long Jiuda, an King Jeroboam hemi king long Israel. Dadi blong King Jeroboam nao King Jehoas.