2 Kronikols 25:5 - Pijin Bible

⁵ King Amasaea hemi kolem kam olketa man blong Jiuda hu i kasem tuenti yia an goap. Hemi mekem olketa kam tugeta, den hemi divaedem olketa fo mekem olketa seksin long ami blong hem. Hemi divaedem olketa man blong Jiuda an blong Benjamin falom laen blong olketa. Hemi siusim samfala komanda long 1,000 soldia, an samfala komanda long 100 soldia. Long disfala wei, hemi faendemaot hemi garem 300,000 soldia wea i save yusim spia an sil fo stopem aro, an olketa redi fo go faet.

Pijin Deuterocanon

⁵ King Amasaea hemi kolem kam olketa man blong Jiuda hu i kasem tuenti yia an goap. Hemi mekem olketa kam tugeta, den hemi divaedem olketa fo mekem olketa seksin long ami blong hem. Hemi divaedem olketa man blong Jiuda an blong Benjamin falom laen blong olketa. Hemi siusim samfala komanda long 1,000 soldia, an samfala komanda long 100 soldia. Long disfala wei, hemi faendemaot hemi garem 300,000 soldia wea i save yusim spia an sil fo stopem aro, an olketa redi fo go faet.

2 Kronikols 25:5 ပူးပေါင်းရင်းမြစ်များ

1 Kronikols 13:1

Nao King Deved hemi toktok wetem olketa komanda long ami.

1 Kronikols 27:1

King Deved hemi mekem ami blong hem fo garem tuelfala seksin wea i garem 24,000 soldia long evri seksin. Olketa seksin ya i garem olketa komanda, an olketa bikman, an olketa lida blong olketa laen. Olketa ya nao i lidim ami fo lukaftarem olketa waka blong king. Evri mans wanfala seksin nomoa hemi duim waka blong ami.

2 Kronikols 11:1

Taem King Rehoboam hemi kasem Jerusalem, hemi kolem 180,000 soldia blong hem, mekem olketa go fo faetem olketa traeb blong Israel long not, mekem olketa kamap pipol blong hem moa. Evri soldia ya, i blong traeb blong Jiuda an blong traeb blong Benjamin.

2 Kronikols 14:7

King hemi tok olsem long olketa pipol blong hem, “Hemi gud fo yumi bildim olketa taon mekem olketa garem olketa bikfala wolston raonem. An yumi mas wakem olketa gadhaos antap long olketa wolston, an yumi mas wakem olketa geit wea yumi save putum olketa barava longfala aean fo lokem. Yumi nao onam disfala lan bikos yumi obeim Yawe hu hemi God blong yumi. Nomata olketa enemi i stap raonem yumi, bat hemi gohed fo lukaftarem yumi an mekem yumi stap gudfala an garem piis.” So olketa duim olketa waka ya, an laef blong olketa i kamap gudfala.

2 Kronikols 14:8

King Asa hemi garem plande soldia long ami blong hem. 300,000 soldia blong Jiuda i gohed fo karim olketa spia an bikfala sil fo stopem aro. An 280,000 soldia blong Benjamin i gohed fo karim olketa bou an smolfala sil. Olketa evriwan i strongfala man fo faet.

2 Kronikols 25:6

An hemi haerem 100,000 soldia from Israel. Hemi peim 3,400 kilo silva long king blong Israel fo haerem olketa soldia ya.

Eksodas 18:25

Mosis hemi siusim samfala gudfala man from evri traeb blong Israel, an hemi mekem olketa fo kamap lida fo olketa pipol ya, samfala olsem lida long 1,000 pipol, an samfala olsem lida long 100 pipol, an samfala olsem lida long 50 pipol, an samfala olsem lida long tenfala pipol.

Nambas 1:3

hu i kasem tuenti yia an goap, an hu i fit fo go faet.

1 Samuel 8:12

Bae hemi mekem samfala fo komanda long 1,000 soldia, an samfala bae komanda long 50 soldia. Olketa pikinini blong yufala bae wakem olketa gaden blong hem, an samfala moa bae gohed fo tekemaot kaikai from olketa gaden ya. Bae olketa wakem olketa samting fo faet wetem olketa samting blong olketa kaat blong hem.