2 Kronikols 25:12 - Pijin Bible

¹² An ami blong Jiuda i holem 10,000 soldia blong Idom moa, nao olketa tekem olketa ya go antap long wanfala hil, den ami blong Jiuda i torowem olketa soldia blong Idom godaon long saet hil wea hemi had tumas fo godaon. Olketa go banga long olketa ston long daon, so olketa evriwan i dae.

Pijin Deuterocanon

¹² An ami blong Jiuda i holem 10,000 soldia blong Idom moa, nao olketa tekem olketa ya go antap long wanfala hil, den ami blong Jiuda i torowem olketa soldia blong Idom godaon long saet hil wea hemi had tumas fo godaon. Olketa go banga long olketa ston long daon, so olketa evriwan i dae.

2 Kronikols 25:12 ပူးပေါင်းရင်းမြစ်များ

2 Samuel 12:31

An hemi tekem olketa pipol blong taon ya an fosim olketa fo waka olsem slev. Samfala long olketa i waka long soa an aks fo katem timba an ston, an samfala long olketa i mekem olketa brik. An hemi duim semsamting long olketa pipol blong olketa narafala taon long Amon. Bihaen, Deved wetem ami blong hem i kambaek long Jerusalem.

1 Kronikols 20:3

An hemi tekem olketa pipol blong taon ya an fosim olketa fo waka olsem slev. Samfala long olketa i waka long soa an aks fo katem timba an ston. An hemi duim semsamting long olketa pipol blong olketa narafala taon long Amon. Bihaen, Deved wetem ami blong hem i kambaek long Jerusalem.

2 Kronikols 20:10

“Bat distaem, ami blong Amon, an ami blong Moab, an ami blong Idom i kam fo faetem mifala. Bifoa, taem olketa olfala grani blong mifala i kamaot from Ijip, yu no letem olketa fo tekova long lan blong olketa pipol ya, so olketa no spoelem enisamting blong olketa ya.

2 Kronikols 25:11

Tingting blong king hemi kamap strong, den hemi lidim olketa soldia blong hem go long vali wea olketa kolem “Vali fo Tekem Solt”. Long datfala ples olketa faetem olketa soldia blong Idom. Olketa kilim dae 10,000 soldia blong Idom.

2 Kronikols 25:13

Long datfala taem, olketa soldia blong Efrem wea Amasaea hemi sendem olketa gobaek, olketa go spoelem olketa taon blong pipol blong Jiuda stat long Samaria go kasem Bet Horon. An olketa kilim 3,000 pipol blong Jiuda, an olketa stilim plande samting an tekem gobaek wetem olketa.

2 Kronikols 25:15

So Yawe hemi barava kros tumas long Amasaea. Hemi sendem wanfala profet long hem. Profet ya hemi tok olsem, “?Waswe nao yu wosip long olketa god blong narafala pipol? !Yu save, taem yu go faet long olketa, bat olketa god ya i no sevem olketa!”

Sams 141:6

Taem yu jajem olketa bikman ya long ae blong olketa pipol, fo olketa nogud samting wea olketa duim, bae olketa pipol i luksave nao wea olketa toktok blong mi abaotem olketa hemi tru.