2 Kronikols 24:27 - Pijin Bible

²⁷ Olketa stori abaotem olketa san blong Joas, an olketa toktok wea olketa profet i talem agensim hem, an olketa ripot long wei olketa wakembaek Tambuhaos blong God, olketa man i raetemdaon long Spesol Rekod long Buk Abaotem Olketa King. Nao san blong hem Amasaea, hemi sensim hem fo kamap king.

Pijin Deuterocanon

²⁷ Olketa stori abaotem olketa san blong Joas, an olketa toktok wea olketa profet i talem agensim hem, an olketa ripot long wei olketa wakembaek Tambuhaos blong God, olketa man i raetemdaon long Spesol Rekod long Buk Abaotem Olketa King. Nao san blong hem Amasaea, hemi sensim hem fo kamap king.

2 Kronikols 24:27 ပူးပေါင်းရင်းမြစ်များ

2 Kings 12:18

Bat taem King Joas hemi herem nius ya, hemi go long Tambuhaos blong Yawe, an hemi tekemaot evri nambawan samting wea King Jehosafat, an King Jehoram, an King Ahasaea, trifala olo blong hem i bin mektambu long olketa samting. An hemi karimaot evrisamting ya, an hemi putum go wetem olketa samting blong hem, an hemi tekemaot tu olketa gol wea olketa pipol i putum fo stap long Tambuhaos ya, an olketa gol wea i stap long haos blong hem. Den hemi sendem evrisamting ya go long King Hasael blong Siria. So king ya wetem olketa soldia blong hem, i taneraon an gobaek an olketa no kam long Jerusalem.

1 Kronikols 3:12

an Amasaea hemi bonem Asaraea, an Asaraea hemi bonem Jotam, an Jotam hemi bonem Ahas,

2 Kronikols 13:22

Olketa narafala stori abaotem laef blong Abaeja, an abaotem olketa toktok wea hemi talem, an olketa waka wea hemi duim, Profet Ido nao hemi raetemdaon long rekod blong hem.

2 Kronikols 16:11

Evrisamting wea King Asa hemi duim stat long taem wea hemi king go kasem en blong hem, olketa raetemdaon long Buk Abaotem Olketa Samting Olketa King blong Jiuda an Israel i Duim.

2 Kronikols 20:34

Olketa narafala samting wea Jehosafat hemi duim stat long taem wea hemi king go kasem en blong hem, olketa raetemdaon long Buk blong Jehu, san blong Hanani, an long Buk Abaotem Olketa King blong Israel.

2 Kronikols 24:12

Nao king wetem Jehoeada, tufala givim seleni ya long olketa bikman hu i wakembaek moa Tambuhaos blong Yawe. Olketa peim olketa man fo katem ston, an olketa kapenta, an olketa wakaman hu i save wakem aean an bras.

2 Kronikols 24:26

Tufala man hu i kilim hem dae, i Sabad wea mami blong hem hemi Simeat, wanfala woman blong Amon, an Jehosabad wea mami blong hem hemi Simrit, wanfala woman blong Moab.

2 Kronikols 25:1

Taem King Amasaea hemi kamap king hemi kasem tuenti-faev yia, an hemi king long Jerusalem fo tuenti-naen yia. Mami blong hem hemi Jehoadin hu hemi woman blong Jerusalem.

2 Kronikols 9:29

Olketa narafala samting wea King Solomon hemi duim, from taem wea hemi stat fo rul kam kasem en blong hem, olketa raetemdaon long trifala buk wea olketa kolem, Rekod blong Profet Natan, an Olketa Toktok blong Profet Ahaeja hu hemi man blong Saelo, an Olketa Spesol drim blong Profet Ido abaotem King Jeroboam long Israel.