2 Kronikols 24:25 - Pijin Bible

²⁵ King Joas hemi garekil nogud taem olketa soldia blong Siria i gobaek. Den tufala bikman blong hem i mekem plan fo sensimbaek wanem Joas hemi duim taem hemi kilim dae san blong Prist Jehoeada. So tufala kam kilim dae Joas long bed blong hem. Olketa berem hem long Biktaon blong King Deved, bat i no long beregraon blong olketa king.

Pijin Deuterocanon

²⁵ King Joas hemi garekil nogud taem olketa soldia blong Siria i gobaek. Den tufala bikman blong hem i mekem plan fo sensimbaek wanem Joas hemi duim taem hemi kilim dae san blong Prist Jehoeada. So tufala kam kilim dae Joas long bed blong hem. Olketa berem hem long Biktaon blong King Deved, bat i no long beregraon blong olketa king.

2 Kronikols 24:25 ပူးပေါင်းရင်းမြစ်များ

1 Kings 15:27

Long mektri yia wea King Asa hemi king long Jiuda, Baasa san blong Ahaeja, long traeb blong Isaka, hemi mekem plan fo kilim dae King Nadab. So hemi kilim hem dae long taem wea King Nadab an olketa soldia blong hem i raonem taon long Gibeton long Filistia fo faet long hem. Nao Baasa hemi sensim hem fo kamap king long Israel.

2 Kronikols 21:16

Nao Yawe hemi mekem samfala enemi fo kam an faetem King Jehoram. Olketa enemi ya nao i ami blong Filistia, an ami blong olketa Arab wea i stap kolsap long olketa pipol blong Kus.

2 Kronikols 22:6

So hemi taneraon, an gobaek long taon long Jesreel. An hemi stap kuaet long ples ya mekem hemi kamap oraet moa. Bihaen, King Ahasaea blong Jiuda hemi kam visitim King Joram blong Israel bikos hemi garekil.

2 Kronikols 22:9

Nao hemi lukaotem King Ahasaea, go-go olketa man blong Jehu i faendem hem long Samaria. Olketa kasholem hem, an tekem hem kam long Jehu. Den olketa kilim hem dae. Bat olketa berem hem long gudfala wei, bikos olketa tinghae long olfala grani blong hem King Jehosafat hu hemi bin traehad tumas fo duim wanem Yawe hemi laekem. So no eniwan long laen blong King Ahasaea hu hemi laef yet hemi garem strong fo kamap king.

2 Kronikols 24:16

Olketa berem hem long beregraon blong olketa king long Biktaon blong King Deved, bikos hemi duim gudfala waka long olketa pipol blong Israel, an long God, an long Tambuhaos.

2 Kronikols 24:26

Tufala man hu i kilim hem dae, i Sabad wea mami blong hem hemi Simeat, wanfala woman blong Amon, an Jehosabad wea mami blong hem hemi Simrit, wanfala woman blong Moab.

2 Kronikols 25:27

Long taem King Amasaea hemi stat fo no falom wei blong Yawe, samfala man long Jerusalem i mekem plan fo kilim hem dae, bat hemi ranawe go long taon long Lakis. Bat olketa sendem samfala man fo go bihaen long hem an olketa kilim hem dae long taon ya.

2 Kronikols 25:3

Nao taem King Amasaea hemi barava tekova long Jiuda, hemi kilim dae tufala bikman wea i bin kilim dadi blong hem.

2 Kronikols 28:27

Taem hemi dae, olketa berem hem long Jerusalem bat i no long beregraon blong olketa king. An san blong hem, Hesekaea hemi sensim hem fo kamap king.

Sams 10:14

Yu bin lukim finis olketa samting ya, an yu bin save nomoa long olketa hu i stap long trabol, an olketa hu i safa, an oltaem yu redi nomoa fo helpem olketa. Olketa hu i wik, i gohed fo putum olketa seleva long han blong yu, an oltaem yu gohed fo helpem olketa wea i no garem eniwan fo helpem olketa.

Revelesin 16:6

Olketa hu i bin kilim dae olketa profet an olketa nara pipol blong yu, yu givim blad nao fo olketa dringim. Hem nao stret wei fo peim olketa.”