2 Kronikols 24:19 - Pijin Bible

¹⁹ Nomata Yawe hemi sendem olketa profet blong hem fo go talemaot toktok blong hem long olketa pipol, an mekem olketa tanem tingting an kambaek long hem, bat olketa no lisin.

Pijin Deuterocanon

¹⁹ Nomata Yawe hemi sendem olketa profet blong hem fo go talemaot toktok blong hem long olketa pipol, an mekem olketa tanem tingting an kambaek long hem, bat olketa no lisin.

2 Kronikols 24:19 ပူးပေါင်းရင်းမြစ်များ

2 Kronikols 36:13

King Nebukadnesa hemi bin fosim Sedekaea fo mekem wanfala strong promis fo obeim hem. Promis ya, hemi mekem long nem blong God. Bat bihaen, hemi brekem promis ya, an hemi go agensim King Nebukadnesa. Hemi bikhed an hemi no laek fo sensim tingting blong hem fo kambaek long Yawe.

Nehemaea 9:26

“Bat nomata olsem, olketa agensim yu an no obeim yu, an olketa les long lo blong yu. Olketa kilim olketa profet blong yu hu bin gohed fo wonem olketa, mekem olketa tane kambaek moa long yu. Olketa mekem enikaen nogud samting nomoa fo spoelem yu.

Nehemaea 9:30

Long plande yia, yu bin gohed fo putum spirit blong yu insaet long olketa profet, an sendem olketa ya fo wonem olketa pipol. Yu bin gohed fo we-weit fo olketa pipol i lisin long toktok ya, bat olketa les. So yu letem olketa pipol blong narafala kantri fo kam winim olketa.

Aesaea 28:23

(Profet) !Lisin kam gudfala long toktok blong mi!

Aesaea 42:23

?Bat bae hu long yufala nao save lisin long olketa samting ya? ?An bae hu nao save lisin gudfala long olketa toktok blong mi ya?

Aesaea 51:4

“!Lisin kam, yufala pipol blong mi! Olketa tising blong mi bae hemi goaot long olketa pipol blong olketa narafala kantri, an stretfala wei blong mi fo jaj bae hemi olsem laet fo olketa.

Aesaea 55:3

“!Yufala kam long mi! !Yufala lisin kam! Sapos yufala kam long mi, bae yufala save garem tru laef. Ya, sapos yufala kam, bae mi mekem wanfala spesol agrimen wetem yufala, wea bae hemi stap evritaem olowe nao. Bae mi tinghevi long yufala olowe long sem wei wea mi bin tinghevi long King Deved bifoa.

Jeremaea 25:3

“Olketa. Fo tuenti-tri yia finis, Yawe hemi gohed fo talemaot Mesij blong hem long mi, stat long mektetin yia wea King Josaea, san blong King Amon, hemi rul long Jiuda kam kasem tude. An oltaem nomoa, mi gohed fo talemaot evrisamting wea Yawe hemi talem long mi, bat oltaem yufala les fo lisin.

Jeremaea 25:7

Bat nomata olsem, yufala les fo lisin long mi, an yufala mekem mi kros long wei wea yufala mekem wosip long olketa kaving wea yufala wakem nomoa, mekem panis hemi kasem yufala.” Hem nao mesij blong Yawe.

Jeremaea 25:8

Dastawe nao Yawe hu hemi garem evri paoa, hemi tok olsem, “Bikos yufala i les fo lisin long olketa toktok blong mi,

Sekaraea 1:4

Bae yufala mas no falom wei blong olketa grani blong yufala bifoa. Olketa profet bin talem Mesij blong mi long evriwan olsem olketa mas lusim olketa ravis wei an olketa sin blong olketa. Bat olketa les fo lisin long Mesij blong mi, an olketa nating obeim mi tu.

Matiu 13:9

Eniwan hu hemi garem ia, hemi mas heremgud toktok ya nao.”

Gudnius abaotem Jisas Kraes wea Luk hemi raetem 16:31

Bat Ebraham hemi sei, ‘Sapos olketa no save bilivim wanem Mosis an olketa profet olketa talem, nomata wanfala man hemi laefbaek moa from dae, bae hemi had tumas fo olketa bilivim toktok blong hem tu ya.’”