2 Kronikols 24:17 - Pijin Bible

¹⁷ Bihaen long taem wea Prist Jehoeada hemi dae, olketa bikman blong Jiuda i tokhae long king. Hemi lisin long olketa toktok blong olketa.

Pijin Deuterocanon

¹⁷ Bihaen long taem wea Prist Jehoeada hemi dae, olketa bikman blong Jiuda i tokhae long king. Hemi lisin long olketa toktok blong olketa.

2 Kronikols 24:17 ပူးပေါင်းရင်းမြစ်များ

2 Kings 12:18

Bat taem King Joas hemi herem nius ya, hemi go long Tambuhaos blong Yawe, an hemi tekemaot evri nambawan samting wea King Jehosafat, an King Jehoram, an King Ahasaea, trifala olo blong hem i bin mektambu long olketa samting. An hemi karimaot evrisamting ya, an hemi putum go wetem olketa samting blong hem, an hemi tekemaot tu olketa gol wea olketa pipol i putum fo stap long Tambuhaos ya, an olketa gol wea i stap long haos blong hem. Den hemi sendem evrisamting ya go long King Hasael blong Siria. So king ya wetem olketa soldia blong hem, i taneraon an gobaek an olketa no kam long Jerusalem.

2 Kronikols 24:16

Olketa berem hem long beregraon blong olketa king long Biktaon blong King Deved, bikos hemi duim gudfala waka long olketa pipol blong Israel, an long God, an long Tambuhaos.

2 Kronikols 24:18

Olketa lusim stretfala wei fo wosip long Tambuhaos blong Yawe hu hemi God blong olketa olfala grani blong olketa. Olketa go fo wosipim olketa tambu kaving, an tambu kaving blong disfala woman god Asera. Nao olketa nogud wei blong olketa i mekem Yawe fo kros long pipol blong Jerusalem an Jiuda.

Provebs 20:19

Man fo toktok tumas, hemi spoelem nara man. No go kolsap long kaen man olsem.

Provebs 26:28

Man fo laea, hemi heitem olketa hemi spoelem. Suit toktok save spoelem evrisamting.

Provebs 26:8

Taem yu tokhae long krangge man, hemi olsem yu taengem ston nating long sling.

Provebs 29:12

Taem bikman lisin long laea, evri wakaman long gavman blong hem bae kamap nogud.

Provebs 29:5

Man os-os long eniwan, hem mekem net fo kasem hem seleva.

Esikiel 18:24

“?Bat waswe, sapos wanfala stret man hemi lusim wei wea hemi stret an hemi gohed fo duim olketa ravis samting olsem wea nogud man save duim, yu tingse bae hemi save laef? !Nomoa nao! Bae mi nating tingim eni gudfala samting wea hemi bin duim fastaem. Ya, bikos hemi les finis long mi, an hemi gohed finis fo sin, bae hemi mas dae nao.

Daniel 11:32

King ya bae hemi sugam olketa hu i stat fo lusim tru wosip blong olketa long God. Bat olketa pipol hu i falom stretfala wei blong God, bae i stanap strong, an faet baek long olketa.

Gudnius abaotem Jisas Kraes wea Luk hemi raetem 11:25

Nao taem devol hemi gobaek kasem man ya, hemi lukim dat man ya hemi olsem haos wea olketa suipim an stretem evrisamting insaet finis nao.

Diutronomi 31:27

Mi save finis wea yufala i bikhed tumas, an yufala save agensim Yawe. Oltaem long laef blong mi, yufala agensim hem, an sapos mi dae, mi save bae yufala save agensim hem moa.

2 Pita 1:15

Olsem, mi mas wakahad, mekem taem mi dae finis, yufala no save fogetem olketa tru toktok ya moa.

Jajis 8:33

Bihaen long taem wea Gidion hemi dae finis, olketa aftarem olketa laea god olsem woman hu hemi aftarem man wea hemi no hasban blong hem. Olketa evriwan i tane go fo wosipim olketa tambu kaving blong Baal, hem nao olketa mekem Baal-Berit hemi god blong olketa.