2 Kronikols 21:3 - Pijin Bible

³ Bifoa, Jehosafat hemi bin givim plande gol, an silva, an olketa narafala nambawan samting long olketa san blong hem. An hemi putum olketa evriwan long olketa taon long Jiuda wea i garem wolston raonem, mekem olketa lukaftarem. Bat hemi talemaot dat Jehoram nao bae hemi save sensim hem fo kamap king bikos hemi fasbon.

Pijin Deuterocanon

³ Bifoa, Jehosafat hemi bin givim plande gol, an silva, an olketa narafala nambawan samting long olketa san blong hem. An hemi putum olketa evriwan long olketa taon long Jiuda wea i garem wolston raonem, mekem olketa lukaftarem. Bat hemi talemaot dat Jehoram nao bae hemi save sensim hem fo kamap king bikos hemi fasbon.

2 Kronikols 21:3 ပူးပေါင်းရင်းမြစ်များ

Jenesis 25:6

Bat taem hemi stap yet, hemi givim presen long olketa narafala pikinini boe blong hem ya wea hemi garem long tufala narafala woman blong hem ya. An hemi sendemaot olketa fo go an stap long narafala kantri long ist, wea i farawe from ples ya wea Aesak hemi stap long hem.

2 Kronikols 11:23

King ya hemi waes, an hemi mekem olketa san blong hem fo rul ovam olketa eria long tufala distrik long Jiuda an Benjamin. Hemi mekem olketa fo stap long evri taon wea i garem bikfala wolston raonem hem. Oltaem hemi givim plande samting go long olketa, an hemi tekem kam plande woman tu fo maritim olketa san blong hem.

2 Kronikols 11:5

Nao King Rehoboam hemi stap kam long Jerusalem. Hemi mekem olketa fo bildim olketa bikfala wolston raonem samfala taon long distrik blong Jiuda an long distrik blong Benjamin. Nem blong olketa taon ya nao i olsem: Betlehem, an Etam, an Tekoa, an Bet-Sua, an Soko, an Adulam, an Gat, an Maresa, an Jif, an Adoraem, an Lakis, an Aseka, an Sora, an Aejalon an Hebron.

Esikiel 46:16

Lod Yawe hemi tok moa olsem, “Mi Lod Yawe nao mi tok olsem: Sapos king hemi givim wanfala pisgraon long wanfala san blong hem, bae lan ya hemi blong san ya an olketa san wea i bon kam bihaen long hem nao.