2 Kronikols 21:16 - Pijin Bible

¹⁶ Nao Yawe hemi mekem samfala enemi fo kam an faetem King Jehoram. Olketa enemi ya nao i ami blong Filistia, an ami blong olketa Arab wea i stap kolsap long olketa pipol blong Kus.

Pijin Deuterocanon

¹⁶ Nao Yawe hemi mekem samfala enemi fo kam an faetem King Jehoram. Olketa enemi ya nao i ami blong Filistia, an ami blong olketa Arab wea i stap kolsap long olketa pipol blong Kus.

2 Kronikols 21:16 ပူးပေါင်းရင်းမြစ်များ

2 Samuel 24:1

Nao Yawe hemi kros moa long pipol blong Israel, an hemi mekem Deved fo mekem trabol hemi kasem olketa, taem hemi talem Deved fo mekem sensas fo kaontem olketa pipol blong Israel an blong Jiuda.

1 Kings 11:11

God hemi sei long Solomon, “Bikos yu garem ravis tingting an yu brekem agrimen blong yumitufala, an yu no obeim toktok blong mi, oraet, bae mi tekemaot raet blong laen blong yu fo king long Israel, an bae mi givim go disfala raet ya long wanfala bikman blong yu.

1 Kings 11:14

Nao Yawe hemi mekem King Hadad blong Idom fo agensim King Solomon.

1 Kings 11:23

Nao God hemi mekem King Reson long Siria fo agensim King Solomon tu. Reson hemi san blong Eliada, an bifoa hemi bikman blong King Hadadesa long Soba, bat hemi bin ranawe from hem.

2 Kronikols 17:11

Olketa pipol blong Filistia i karim kam plande silva an olketa narafala presen fo givim long hem. An olketa pipol blong Arab i tekem kam 7,700 man sipsip an 7,700 man nanigot fo givim long hem.

2 Kronikols 22:1

Ahasaea hemi lasbon blong King Jehoram. Olketa pipol blong Jerusalem i mekem hem sensim dadi blong hem fo kamap king bikos olketa soldia blong Arab i bin kam kilim dae olketa narafala san blong Jehoram ya. So Ahasaea, san blong King Jehoram, hemi kamap king long Jiuda.

2 Kronikols 26:7

Long datfala taem, God hemi helpem hem fo winim olketa faet agensim pipol blong Filistia, an pipol blong Arab hu i stap long taon long Gua-Baal, an pipol blong Meun.

2 Kronikols 33:11

So hemi mekem olketa komanda blong ami blong Asiria fo kam faetem olketa. Olketa kasholem Manase, an putum huk long nous blong hem. Olketa taemapem hem long bras sen, an olketa tekem hem go long Babilon.

Esra 1:1

Long fas yia wea King Saeras blong Pesia hemi rul ovarem Babilonia, Yawe hemi waka insaet long tingting blong king ya fo mekem wanfala toktok. Olketa sekretri blong hem i raetemdaon disfala toktok, an hemi sendem mesij ya go long evri ples long bikfala kingdom blong hem, mekem olketa ridimaot long olketa pipol. Yawe hemi duim diswan, mekem Mesij blong Yawe wea Profet Jeremaea bin talemaot, fo kamtru. Toktok ya hemi olsem,

Esra 1:5

Long datfala taem, Yawe hemi waka insaet long tingting blong plande pipol fo gobaek an bildimbaek moa Tambuhaos blong hem. So olketa ya, olsem olketa hed long laen blong Jiuda, an olketa hed long laen blong Benjamin, an olketa prist an olketa Livaet, i mekredi fo gobaek long Jerusalem.

Joel 3:5

Yufala bin tekem finis olketa silva an gol, an olketa narafala gudfala samting blong mi, an putum insaet long haos blong tufala king blong yufala.

Emos 1:6

Yawe hemi tok olsem, ?Bikos olketa pipol long Filistia i gohed fo sin olowe nomoa, mi mas talem tru long yufala wea bae mi panisim olketa fo disfala ravis wei blong olketa. Bikos taem olketa go fo faet an winim wanfala ples, olketa tekem evri pipol long ples ya an salem olketa olsem slev go long olketa pipol blong Idom,

Emos 3:6

?Waswe, sapos olketa lida i bloum olketa trampet fo kolem olketa man fo faet, yufala tingse bae olketa pipol long ples ya i no seksek? ?An sapos bikfala trabol hemi kasem wanfala taon, yufala tingse i no Yawe nao hemi sendem kam long hem?

1 Samuel 26:19

Hemi gud sapos yu masta an king blong mi, yu lisin long toktok wea bae mi talem. Sapos Yawe hemi mekem yu fo agensim mi, maet wanfala sakrifaes i tanem tingting blong hem fo kamap gud moa long mi. Bat sapos samfala man nomoa i mekem yu fo agensim mi, oraet, letem Yawe hemi mekem bikfala trabol fo kasem olketa. Bikos hemi luk olsem olketa fosim mi aot from lan blong Yawe, an mekem mi fo go long narafala ples fo wosipim olketa narafala god.