2 Kronikols 21:1 - Pijin Bible

¹ King Jehosafat hemi dae, an olketa berem hem long beregraon blong olketa king long Biktaon blong King Deved. Den san blong hem, Jehoram, hemi sensim hem fo kamap king.

Pijin Deuterocanon

¹ King Jehosafat hemi dae, an olketa berem hem long beregraon blong olketa king long Biktaon blong King Deved. Den san blong hem, Jehoram, hemi sensim hem fo kamap king.

2 Kronikols 21:1 ပူးပေါင်းရင်းမြစ်များ

2 Samuel 2:32

Olketa tekem bodi blong Asahel fo go berem long Betlehem long ples wea olketa bin berem olketa olo blong hem. An olketa wakabaot fo fulnaet, an long eli moning olketa kasembaek Hebron moa.

1 Kings 22:50

King Jehosafat hemi dae, an olketa berem hem long beregraon blong olketa olfala king long Biktaon blong King Deved. Nao san blong hem, Jehoram, hemi sensim hem fo kamap king.

2 Kings 8:24

Taem Jehoram hemi dae, olketa berem hem long beregraon blong olketa olfala king long Biktaon blong King Deved. An san blong hem Ahasaea hemi sensim hem, fo kamap king.

2 Kronikols 12:16

Taem King Rehoboam hemi dae, olketa berem hem long beregraon blong olketa king long Biktaon blong King Deved. Nao san blong Rehoboam, Abaeja, hemi sensim hem fo kamap king.

2 Kronikols 20:37

Profet Eliesa, san blong Dodavahu blong Maresa, hemi go talemaot profesi agensim Jehosafat. Hemi tok olsem, “Bikos yu mekem agrimen wetem King Ahasaea, Yawe bae hemi spoelem olketa sip wea yutufala bin wakem.” So olketa sip ya i reke an olketa no save seil go long Tasis.

2 Kronikols 21:20

Long taem Jehoram hem kamap king, hemi kasem teti-tu yia, an hemi king long Jerusalem fo eitfala yia. Taem hemi dae, no eniwan hemi sore long hem. Olketa berem hem long Biktaon blong King Deved, bat i no long beregraon blong olketa king.

2 Kronikols 9:31

Taem hemi dae, olketa berem hem long beregraon blong olketa olo long Biktaon blong King Deved. Den san blong hem, Rehoboam, hemi kamap king.