2 Kronikols 20:33 - Pijin Bible

³³ Bat hemi no brekemdaon olketa tambuples long olketa hil, so olketa pipol no barava tinghevi long God blong olketa olfala grani blong olketa.

Pijin Deuterocanon

³³ Bat hemi no brekemdaon olketa tambuples long olketa hil, so olketa pipol no barava tinghevi long God blong olketa olfala grani blong olketa.

2 Kronikols 20:33 ပူးပေါင်းရင်းမြစ်များ

2 Kronikols 12:14

King ya hemi duim olketa ravis samting, bikos hemi no tingting strong fo askem Yawe fo lidim hem.

2 Kronikols 14:3

Hemi tekemaot evri olta blong olketa hiden pipol, an hemi aotem olketa tambuples, an hemi brekemdaon olketa barava tolfala tambu ston, an hemi katemdaon evri tambu kaving blong disfala woman god Asera.

2 Kronikols 15:17

Hemi tru wea King Asa hemi no brekemdaon evri tambuples fo wosipim olketa narafala god, bat hemi tinghae long Yawe olowe nomoa long laef blong hem.

2 Kronikols 17:6

Hemi tingting strong olowe fo falom wei blong Yawe. An long kantri long Jiuda, hemi aotem evri tambuples fo wosipim olketa narafala god, an hemi katemdaon evri tambu kaving blong disfala woman god Asera.

2 Kronikols 19:3

Nomata olsem, yu bin duim samfala gudfala samting. Yu bin katemdaon olketa tambu kaving blong disfala woman god Asera, an yu barava askem God fo lidim yu.”

2 Kronikols 20:32

King ya hemi duim olketa samting wea hemi stret long ae blong Yawe, olsem dadi blong hem, King Asa, hemi bin duim bifoa.

2 Kronikols 30:19

Nomata olketa no mekem olketa seleva fo klin long ae blong yu, olketa barava traehad fo falom yu Lod Yawe, God blong olketa olfala grani blong mifala.”

2 Kronikols 33:17

Oraet, olketa pipol i gohed fo mekem olketa sakrifaes long eni tambuples long Jiuda, bat olketa mekem nomoa long Yawe hu hemi God blong olketa.

Diutronomi 29:3

Yufala lukim olketa trabol, an olketa mirakol, an olketa bikfala samting wea i somaot paoa blong Yawe.

Diutronomi 29:4

Bat kam kasem distaem, hemi no openem tingting blong yufala, mekem yufala minim olketa samting wea hemi kamap. Hemi no openem ae blong yufala fo luksave long olketa samting ya, an hemi no openem ia blong yufala tu, mekem yufala heremsave.

1 Samuel 7:3

Profet Samuel hemi tok long olketa blong Israel olsem, “Olketa, sapos yufala wande tanem evri tingting blong yufala fo kambaek long Yawe, yufala mas torowe olketa tambu kaving blong disfala woman god Astarot wetem olketa narafala god. An yufala mas givim ful laef blong yufala long Yawe an yufala mas wosipim hem nomoa. Sapos olsem, bae hemi sevem yufala from paoa blong pipol blong Filistia.”