2 Kronikols 20:24 - Pijin Bible

²⁴ Olketa soldia blong Jiuda i kasem ples fo luk godaon long bikfala ami long drae eria, an olketa lukim nomoa olketa ded bodi. No eniwan long olketa enemi i bin ranawe.

Pijin Deuterocanon

²⁴ Olketa soldia blong Jiuda i kasem ples fo luk godaon long bikfala ami long drae eria, an olketa lukim nomoa olketa ded bodi. No eniwan long olketa enemi i bin ranawe.

2 Kronikols 20:24 ပူးပေါင်းရင်းမြစ်များ

2 Kings 19:35

Long datfala naet, Enjel blong Yawe hemi kam long ples wea olketa soldia blong Asiria i stap, an hemi kilim dae 185,000 long olketa. Taem olketa soldia i wekap long moning, seknomoa olketa lukim nao bodi blong olketa soldia wea i dae finis.

1 Kronikols 5:22

An olketa kilim dae plande man moa, bikos God hemi agensim olketa. Nao olketa long traeb blong Ruben, an traeb blong Gad, an haf long traeb blong Manase i stap long dea go kasem taem wea ami blong Asiria i fosim olketa fo lusim lan blong olketa.

2 Kronikols 20:23

bikos olketa soldia blong Amon an olketa soldia blong Moab i faet agensim olketa soldia blong Idom, an kilim olketa evriwan dae. Den olketa soldia blong Amon an Moab i gohed fo faetem olketa seleva an kilim olketa seleva dae.

2 Kronikols 20:25

Oraet, King Jehosafat wetem olketa soldia blong hem i go fo tekem evrisamting blong olketa ya. Olketa tekem staka buluka, an plande samting fo faet, an plande kaleko, an plande narafala nambawan samting. Olketa gohed fo trifala de long datfala ples fo tekem go olketa samting ya. Bat olketa no save tekem evrisamting, bikos hemi plande tumas.

Esra 9:14

?Waswe, hemi gud fo mifala les moa fo obeim olketa toktok blong yu, fo gohed fo maritim olketa hiden pipol ya wea i gohed fo falom olketa wei wea hemi barava nogud tumas? !Nomoa! Sapos mifala duim moa olsem, bae yu kros tumas long mifala, nao bae yu kilim mifala dae evriwan, mekem no eniwan long mifala fo stap laef.

Sams 110:6

Bae hemi jajem evri pipol long olketa narafala kantri, an bae hemi kilim dae evri enemi blong yu. Ya, bae hemi winim finis olketa king evriwea long wol.

Eksodas 14:28

an hemi draonem finis olketa kaat fo faet, wetem olketa draeva blong olketa, an evri soldia blong olketa wea i bin aftarem pipol blong Israel insaet long si. An no eniwan long olketa hemi laef.

Eksodas 14:30

So, long datfala de, Yawe hemi sevem olketa pipol blong Israel from olketa soldia blong Ijip. An long moning, olketa lukim olketa dae bodi long olketa blong Ijip, wea i leidaon olobaot nomoa long saet si ya.

Aesaea 37:36

Enjel blong Yawe hemi kam long ples wea olketa soldia blong Asiria i stap, an hemi kilim dae 185,000 long olketa. Taem olketa pipol i wekap long moning, seknomoa olketa lukim nao bodi blong olketa soldia wea i dae finis.

Jeremaea 33:5

Olketa haos ya bae i fulap long ded bodi blong olketa pipol wea mi kilim dae bikos mi barava kros fogud long olketa. Bae mi les long olketa blong disfala taon from olketa ravis wei ya olketa gohed fo mekem, an bae mi letem olketa blong Babilonia fo kam kilim olketa dae insaet long taon.