2 Kronikols 20:13 - Pijin Bible

¹³ Long datfala taem, olketa man blong Jiuda wetem olketa woman an olketa pikinini i stanap long frant long Tambuhaos blong Yawe.

Pijin Deuterocanon

¹³ Long datfala taem, olketa man blong Jiuda wetem olketa woman an olketa pikinini i stanap long frant long Tambuhaos blong Yawe.

2 Kronikols 20:13 ပူးပေါင်းရင်းမြစ်များ

2 Kronikols 20:12

Lod God blong mifala, plis yu panisim olketa. Mifala no strong fo faet agensim disfala bikfala ami wea i kam fo faetem mifala. Mifala no save nao wanem fo duim, bat mifala luk go long yu nomoa fo helpem mifala.”

2 Kronikols 20:14

Den Spirit blong Yawe hemi kam long wanfala Livaet long laen blong Asaf wea hemi stap wetem olketa. Man ya hemi Jahasiel, san blong Sekaraea. Sekaraea hemi san blong Benaea. Benaea hemi san blong Jehiel. Jehiel hemi san blong Matanaea.

Esra 10:1

Prist Esra hemi gohed fo nildaon aotsaet long doa blong Tambuhaos blong God, an hemi gohed fo prea, an hemi gohed fo sore an krae, an hemi gohed fo talemaot olketa sin blong olketa blong Israel. Long taem ya, plande man, an woman, an pikinini blong Israel i hipap kam raonem hem, an olketa tu i gohed fo krae tumas.

Joel 2:16

Kolem evri pipol fo hipap kam long Tambuhaos, stat long olketa olo go-go kasem olketa pikinini an olketa bebi tu. Nomata olketa hu i redi yet fo marit, olketa mas lusim rum blong olketa an kam. Nao yufala evriwan mas mekem yufala seleva klin long ae blong God.

Jona 3:5

Olketa pipol blong Nineve i bilivim Mesij ya blong God. Nomata man hemi garem biknem o nomoa, olketa evriwan i stop from kaikai an werem ravis kaleko fo somaot dat olketa sore tumas.

Aposol 21:5

Bat taem olketa de i go finis nomoa, mifala lusim ples ya fo go moa. An evriwan long olketa, nomata olketa waef an olketa pikinini, olketa joenem mifala fo goaot from taon go kasem saet si. An long sanbis nao mifala evriwan i nildaon an prea.

Diutronomi 29:10

“Distaem yufala evriwan stanap long frant long Yawe. Yufala nao i olketa lida, an olketa sif, an olketa bikman, an olketa olo, wetem evri man blong Israel.

Diutronomi 29:9

So, oltaem yufala mas barava falom toktok blong disfala spesol agrimen. Sapos yufala falom, laef blong yufala bae hemi save gud tumas.