2 Kronikols 18:29 - Pijin Bible

²⁹ An King Ehab hemi tok olsem long King Jehosafat, “Taem yumi go faet, bae mi werem deferen kaleko mekem olketa pipol i no luksave long mi, bat hemi gud fo yu werem olketa spesol kaleko blong yu.” So hemi werem deferen kaleko, mekem olketa pipol i no luksave long hem, nao hemi go long faet.

Pijin Deuterocanon

²⁹ An King Ehab hemi tok olsem long King Jehosafat, “Taem yumi go faet, bae mi werem deferen kaleko mekem olketa pipol i no luksave long mi, bat hemi gud fo yu werem olketa spesol kaleko blong yu.” So hemi werem deferen kaleko, mekem olketa pipol i no luksave long hem, nao hemi go long faet.

2 Kronikols 18:29 ပူးပေါင်းရင်းမြစ်များ

1 Kings 20:38

Oraet, profet ya hemi putum bandes long fes blong hem, mekem pipol i no luksave long hem. An hemi go stanap long rod, an weit long taem King Ehab hemi kam pas.

2 Kronikols 18:28

Den king blong Israel wetem King Jehosafat blong Jiuda, tufala go fo faetem biktaon long Ramot-Gilead.

2 Kronikols 18:30

Oraet, king blong Siria hemi bin tokstrong long olketa komanda blong olketa kaat fo faet blong hem olsem, “Bae yufala mas no faetem enikaen soldia nomoa, yufala mas go faetem nomoa king blong Israel.”

Stori abaotem Job 24:15

Olketa man hu i aftarem woman blong nara man, i gohed weit fo taem hemi tudak. Olketa ya i kavaremap fes blong olketa mekem no eniwan hemi luksave long olketa, den olketa krip go nao.

Sams 12:2

Olketa evriwan i gohed fo laea long olketa seleva nomoa. An olketa evriwan i gohed fo suitim olketa seleva long evri laea toktok.

Provebs 26:25

Nomata toktok blong hem hemi heregud, yu no bilivim. Haat blong hem i fulap nomoa long nogud tingting.

Jeremaea 23:24

?Waswe, eni man save haed long ples wea mi no save lukim hem? Nomoa nao. !Mi fulumapem evri ples long heven an long disfala wol!

1 Samuel 28:8

Den Sol hemi sensim olketa kaleko blong hem, mekem no eniwan i luksave long hem. Taem hemi tudak, hemi tekem tufala man blong hem, an trifala go lukim woman ya. Nao hemi tok olsem long woman ya, “Yu mas toktok wetem devoldevol fo faendemaot wanem bae kamap. Bae mi talem nem blong hem, an mi laekem yu fo kolem hem kam.”