2 Kronikols 14:9 - Pijin Bible

⁹ Nao wanfala bikman blong Kus wea nem blong hem Sera, hemi kam kasem taon long Maresa long Jiuda. Hemi kam wetem 1,000,000 soldia blong hem, an hemi garem 300 kaat fo faet.

Pijin Deuterocanon

⁹ Nao wanfala bikman blong Kus wea nem blong hem Sera, hemi kam kasem taon long Maresa long Jiuda. Hemi kam wetem 1,000,000 soldia blong hem, an hemi garem 300 kaat fo faet.

2 Kronikols 14:9 ပူးပေါင်းရင်းမြစ်များ

2 Kings 19:9

An long semtaem tu, wanfala ripot hemi kasem King Senakerib. Hemi herem dat King Tiahaka blong Kus wetem ami blong hem i kam nao fo faetem olketa. Taem hemi herem disfala ripot, hemi sendem samfala man fo tekem mesij go long King Hesekaea. Hemi tok olsem,

2 Kronikols 14:10

King Asa wetem ami blong hem i go fo faetem Sera. Olketa evriwan i redi fo faet long vali long Sefata kolsap long Maresa.

2 Kronikols 16:8

Yu save, ami blong Kus, an ami blong Libia, tufala ami ya i bin bikfala tumas an garem plande kaat fo faet an plande soldia fo ran long hos, bat bikos yu trastem Yawe, hemi mekem yu fo winim olketa.

Esikiel 30:5

“Bae olketa soldia blong olketa kantri ya, Kus, an Libia, an Lidia, an Arebia, an Kub, an olketa pipol tu wea i agri fo faet wetem olketa, bae olketa evriwan i dae long faet, wetem olketa blong Ijip.

Emos 9:7

Hem ya mesij blong Yawe, ?!Olketa pipol blong Israel! ?Waswe, yufala tingse mi gohed fo tinghevi nomoa long yufala winim olketa pipol blong Kus? !Nomoa ya! Hemi tru, taem bifoa wea yufala stap yet long Ijip, mi nao mi tekem yufala kamaot from datfala ples. !Bat yufala lukim! Olketa pipol blong Filistia, mi nao mi tekem olketa kamaot from Krit. An olketa pipol blong Siria, mi nao mi tekem olketa kamaot from Kia.

Maeka 1:15

!Olketa pipol blong taon long Maresa! Bae no longtaem Yawe hemi letem olketa enemi blong yumi fo kam tekova long taon blong yufala. An olketa barava bikman blong yumi bae i ranawe go haed insaet long olketa kev kolsap long taon long Adulam.

Josua 15:44

an Keila, an Aksib an Maresa. Hem nao naenfala taon wea i stap long datfala eria wetem olketa vilij wea i stap raon long olketa.

Revelesin 16:14

Trifala ravis devol ya, olketa nogud tumas an olketa garem paoa fo mekem enikaen mirakol. Nao trifala devol ya olketa go fo lukim olketa king long evri ples long wol, mekem olketa hipap fo faet long bikfala De blong God hu hemi garem evri paoa.