2 Kronikols 12:12 - Pijin Bible

¹² Nao bikos King Rehoboam hemi mekem hem seleva fo hambol, Yawe hemi no kros tumas long hem, an hemi no spoelem Jiuda nogud. So hemi luk olsem samfala pipol long Jiuda i gohed fo falom gudfala wei.

Pijin Deuterocanon

¹² Nao bikos King Rehoboam hemi mekem hem seleva fo hambol, Yawe hemi no kros tumas long hem, an hemi no spoelem Jiuda nogud. So hemi luk olsem samfala pipol long Jiuda i gohed fo falom gudfala wei.

2 Kronikols 12:12 ပူးပေါင်းရင်းမြစ်များ

Jenesis 18:24

?Sapos fifti gudfala pipol i stap long taon ya, yu ting bae yu mas spoelem evri pipol blong taon ya? Mi tingse yu mas letem olketa pipol long taon ya fo laef, mekem yu save sevem fifti gudfala pipol ya wea olketa gohed fo stap long taon ya tu.

1 Kings 14:13

Olketa pipol blong Israel bae i krae fo hem, an berem hem. Hem nomoa long famili blong King Jeroboam bae olketa berem, bikos Yawe, God blong Israel, hemi hapi nomoa long disfala pikinini.

2 Kronikols 12:11

An evritaem king hemi go long Tambuhaos blong Yawe, olketa sekiuriti ya i karim olketa sil ya fo gadem hem, an bihaen olketa putumbaek long rum blong olketa.

2 Kronikols 19:3

Nomata olsem, yu bin duim samfala gudfala samting. Yu bin katemdaon olketa tambu kaving blong disfala woman god Asera, an yu barava askem God fo lidim yu.”

Aesaea 57:15

Yawe nao, hu hemi hae an hemi holi tumas, an hemi stap fo evritaem olowe, hemi tok moa olsem, “Mi stap long ples wea hemi hae an hemi holi, bat mi stap tu wetem olketa pipol hu i hambol an sore tumas fo olketa sin blong olketa, an mi givim niu laef long olketa.

Aesaea 6:13

Nomata tu-tri pipol nomoa i stap, bae mi spoelem olketa tu. Nomata olsem, niufala holi pipol blong mi bae i kamap olsem niufala tri wea hemi grouap moa from botom blong tri wea olketa katemdaon finis.”

Lamentesin 3:22

Wei blong Yawe fo tinghevi long yumi, hemi no save finis. Wei blong hem fo sore an kaen long yumi, hemi gohed olowe nomoa.

Lamentesin 3:33

Hemi no filhapi taem hemi mekem olketa pipol fo safa, an mekem trabol fo kasem olketa.

Lamentesin 3:42

“Mifala sin, an mifala agensim yu, bat yu no fogivim mifala yet.

1 Pita 5:6

Nao, yufala mas mekem yufala seleva hambol, an stap long han blong God hu hemi garem bikfala paoa, an bae hemi haemapem yufala long taem wea hemi laekem.