2 Kronikols 10:19 - Pijin Bible

¹⁹ Stat long datfala taem, pipol blong Israel long not i gohed fo agensim olketa king long laen blong King Deved.

Pijin Deuterocanon

¹⁹ Stat long datfala taem, pipol blong Israel long not i gohed fo agensim olketa king long laen blong King Deved.

2 Kronikols 10:19 ပူးပေါင်းရင်းမြစ်များ

2 Kronikols 10:16

Bat taem olketa blong Israel i lukim dat king hemi no lisin long olketa, samfala singaot bikfala olsem, “!Deved hemi no blong yumi! !Disfala san blong Jese i no blong yumi! !Yumi evriwan blong Israel, yumi gobaek long hom blong yumi! !Letem laen blong Deved lukaftarem olketa seleva!” So olketa blong Israel i go long hom blong olketa.

2 Kronikols 5:9

Tufala spesol stik ya i longfala tumas, an sapos eniwan hemi stanap long bikfala Tambu Rum, hemi save lukim en blong tufala spesol stik ya. Bat sapos hemi stanap aotsaet long Tambuhaos hemi no save lukim. Tufala spesol stik ya i stap yet long dea kam kasem tude.

Esra 9:7

Stat long taem blong olketa grani blong mifala bifoa kam kasem tude, hemi barava fitim fo mifala mas panis nogud from olketa sin blong mifala. From olketa sin ya, yu bin putum mifala wetem olketa king blong mifala, an olketa prist blong mifala andanit long paoa blong olketa enemi. Olketa ya bin kilim samfala dae, an tekem samfala fo waka olsem slev, an stilim evrisamting blong mifala. Olketa meksem tumas long mifala, an samting ya hemi gohed kam kasem tude.

Sams 89:30

“Bat sapos olketa ya i no obeim olketa lo blong mi, an olketa no falom olketa strongfala toktok blong mi, bae mi barava panisim olketa from olketa i sin. An sapos olketa brekem lo wea mi tisim olketa, an olketa no duim wanem mi talem olketa fo duim, bae mi mekem olketa safa fogud from olketa ravis samting wea olketa duim.

Esikiel 37:16

“Man blong graon. Yu tekem wanfala stik an raetem disfala toktok olsem, ‘Kingdom blong Jiuda’, nao tekem narawan an raetem toktok olsem, ‘Kingdom blong Israel’.

Josua 22:15

Taem olketa kasem Gilead, olketa tok wetem olketa long traeb blong Ruben, an traeb blong Gad, an olketa long haf long traeb blong Manase wea i stap long ist saet long ples ya.

Josua 4:9

An Josua hemi hipimap tu tuelfala ston long midol long riva ya, long ples wea olketa prist hu i karim Tambu Boks ya i stanap long hem. (Hip ston ya hemi stap yet long ples ya ka-kam kasem tude.)