2 Korin 9:4 - Pijin Bible

⁴ Nogud samfala pipol long Masedonia olketa kam wetem mi bihaen, an faendem yufala nating redi nomoa. Sapos olsem, bae mifala sem tumas bikos mifala trastem yufala tumas. An yufala tu bae yufala filsem.

Pijin Deuterocanon

⁴ Nogud samfala pipol long Masedonia olketa kam wetem mi bihaen, an faendem yufala nating redi nomoa. Sapos olsem, bae mifala sem tumas bikos mifala trastem yufala tumas. An yufala tu bae yufala filsem.

2 Korin 9:4 ပူးပေါင်းရင်းမြစ်များ

Leta wea Pol hemi raetem go long sios long Rom 15:26

Olketa Kristin pipol long Masedonia an Akaea olketa bin hapi fo givim olketa seleni fo helpem olketa pipol blong God long Jerusalem wea olketa pua tumas.

1 Korin 16:2

Long evri Sande, evriwan long yufala i mas tekem samfala seleni falom haomas nao hemi bin kasem long taem ya. An yufala mas putum diswan fo stap nomoa. Nogud yufala trae fo kolektem nomoa taem mi kam kasem yufala bihaen.

2 Korin 11:17

Mi no tok olsem Masta hemi laekem mi fo toktok taem mi tokpraod. Mi tok olsem krangge man nomoa ya.

2 Korin 8:24

Yufala mas lavem trifala, mekem olketa sios long hia save herem abaotem wei blong yufala, an save dat mifala no rong fo tokpraod long yufala.

2 Korin 9:2

Mi save dat yufala wiling tumas fo helpem olketa long diswan. An mi bin tokpraod abaotem yufala long olketa long Masedonia. Mi sei, “Olketa Kristin long provins long Akaea olketa redi fo koleksin stat kam las yia yet.” An bikos yufala wiling tumas olsem, plande long Masedonia olketa bin hapi tumas fo gohed tu.

Filimon 1:19

Mi Pol, mi raetem disfala toktok long han blong mi seleva. Bae mi nao mi sensim evri kaon blong Onesimas. Bat yu mas no fogetem wea yu garem kaon long mi tu. Mi minim disfala niufala laef wea yu kasem ya.