2 Korin 8:6 - Pijin Bible

⁶ Taetas hemi statem kam disfala waka fo strongim tingting blong yufala fo kolektem bikfala koleksin, so mifala askem hem strong fo gohed an finisim disfala waka.

Pijin Deuterocanon

⁶ Taetas hemi statem kam disfala waka fo strongim tingting blong yufala fo kolektem bikfala koleksin, so mifala askem hem strong fo gohed an finisim disfala waka.

2 Korin 8:6 ပူးပေါင်းရင်းမြစ်များ

Aposol 24:17

“Plande yia lelebet nao mi bin lusim Jerusalem, so mi kambaek moa fo tekem kam samfala seleni fo helpem olketa wantok blong mi wea olketa pua, an fo mekem olketa sakrifaes long God.

Leta wea Pol hemi raetem go long sios long Rom 15:25

Bat fastaem bae mi go long Jerusalem fo tekem go samfala seleni fo helpem olketa pipol blong God.

2 Korin 12:18

Mi bin askem Taetas fo hemi go long yufala, an mi bin sendem go nara Kristin brata tu wetem hem. ?Waswe, yufala tingse Taetas nao hemi ravem yufala? !Yufala mas save, mitufala Taetas garem wanfala tingting nomoa an mitufala falom semkaen wei long waka nomoa!

2 Korin 2:13

Bat mi barava wari fogud, bikos mi no faendem fren blong mi Taetas. So mi gudbae long olketa pipol ya, an mi go olowe long Masedonia nao.

2 Korin 8:10

Tingting blong mi nao hemi olsem, hemi gud fo yufala finisim disfala waka yufala bin statem kam las yia. Yufala nao faswan fo tingim diswan an yufala tu faswan fo givim seleni.

2 Korin 8:19

Narasamting moa, olketa sios nao siusim hem finis fo go tugeta wetem mifala, taem mifala tekem go disfala koleksin fo mekhae long Masta an fo somaot dat yumi laekem tumas fo helpem olketa nara Kristin.

2 Korin 8:23

Yufala save long Taetas finis, hemi fren blong mi an hemi waka tugeta wetem mi fo helpem yufala. An nara tufala brata ya, tufala nao kam long nem blong olketa sios, an waka blong tufala i haemapem nem blong Kraes.

2 Korin 8:4

taem olketa askem mifala fo letem olketa helpem pipol blong God long provins long Jiudia.

2 Korin 9:5

Dastawe nao mi talem trifala brata ya fo go long yufala fastaem, mekem trifala redim wanem yufala promisim fo givim. An taem mi kasem yufala, bae hemi redi finis olsem wanfala gudfala presen blong yufala seleva. So hemi no olsem samting wea mifala fosim yufala fo duim.

Filipae 4:18

Mi kasem plande samting nao winim wanem mi barava nidim. Distaem Epafrodaetas hemi givim mi wanem yufala sendem kam wetem hem, so mi no sot long enisamting. Diswan hemi olsem wanfala sakrifaes wea hemi smel naes tumas an God hemi laekem an hapi tumas long hem.

1 Pita 4:10

God hemi givim yufala finis enikaen spesol paoa fo duim gudfala waka blong hem. So yufala mas yusim olketa spesol paoa ya fo helpem yufala evriwan.