2 Korin 8:23 - Pijin Bible

²³ Yufala save long Taetas finis, hemi fren blong mi an hemi waka tugeta wetem mi fo helpem yufala. An nara tufala brata ya, tufala nao kam long nem blong olketa sios, an waka blong tufala i haemapem nem blong Kraes.

Pijin Deuterocanon

²³ Yufala save long Taetas finis, hemi fren blong mi an hemi waka tugeta wetem mi fo helpem yufala. An nara tufala brata ya, tufala nao kam long nem blong olketa sios, an waka blong tufala i haemapem nem blong Kraes.

2 Korin 8:23 ပူးပေါင်းရင်းမြစ်များ

Gudnius abaotem Jisas Kraes wea Luk hemi raetem 5:10

An tufala san blong Sebedi, Jemes an Jon, wea tufala waka wetem Saemon, tufala tu i sapraes tumas long hem. Nao Jisas hemi tok olsem long Saemon, “Yu no fraet. Stat long distaem nao, bae yu go fo fising fo kasem pipol nomoa.”

Gudnius abaotem Jisas Kraes wea Luk hemi raetem 5:7

So olketa mekem saen fo olketa fren blong olketa long nara bot ya fo kam an helpem olketa. An nara bot ya hemi kam an olketa fulumapem tufala bot ya long olketa fis, go-go tufala kolsap singdaon nao.

Gudnius abaotem Jisas Kraes wea Jon hemi raetem 13:16

Mi talem yufala tru samting nao, no eni wakaman hemi hae winim bos blong hem ya, an no eni niusman hemi hae winim man hu hemi sendem hem go.

1 Korin 11:7

Man nao hemi mas no kavarem hed blong hem, bikos man nao hemi tekem wei blong God an hemi olsem God, an saen blong paoa blong God hemi soaot long hem. Bat long woman ya, saen blong paoa blong hasban blong hem nao hemi soaot long hem.

2 Korin 12:18

Mi bin askem Taetas fo hemi go long yufala, an mi bin sendem go nara Kristin brata tu wetem hem. ?Waswe, yufala tingse Taetas nao hemi ravem yufala? !Yufala mas save, mitufala Taetas garem wanfala tingting nomoa an mitufala falom semkaen wei long waka nomoa!

2 Korin 7:6

Bat nomata olsem, God hu hemi save strongim tingting blong olketa hu i sore, hemi mekem mifala fo hapi moa taem Taetas hemi kam.

2 Korin 8:16

!Mifala tengkiu tumas long God, bikos hemi mekem Taetas fo laekem tumas fo helpem yufala olsem mifala save duim!

2 Korin 8:18

An mifala sendem go wanfala brata tu wetem Taetas. Long evri sios olketa tinghae tumas long hem from waka blong hem fo talemaot Gudnius.

2 Korin 8:19

Narasamting moa, olketa sios nao siusim hem finis fo go tugeta wetem mifala, taem mifala tekem go disfala koleksin fo mekhae long Masta an fo somaot dat yumi laekem tumas fo helpem olketa nara Kristin.

2 Korin 8:22

An mifala sendem go moa nara brata blong mifala wetem tufala ya. Plande taem mifala bin testem hem, an mifala save finis dat hemi wiling tumas fo duim enikaen waka nomoa. An distaem hemi barava wiling tumas fo duim disfala waka bikos hemi trastem yufala tumas.

2 Korin 8:6

Taetas hemi statem kam disfala waka fo strongim tingting blong yufala fo kolektem bikfala koleksin, so mifala askem hem strong fo gohed an finisim disfala waka.

Filipae 2:25

Mi mas sendem brata blong yumi Epafrodaetas gobaek long yufala. Yufala sendem hem kam bifoa fo helpem mi, an hemi waka wetem mi an barava stap tugeta wetem mi long disfala faet.

Filipae 4:3

An yu Susuge, wea yu stap tugeta wetem mi long waka, yu tu mas helpem tufala woman ya. Tufala bin wakahad fo talemaot Gudnius wetem mi an wetem Klemen an olketa narawan moa wea nem blong olketa i stap insaet long buk blong laef.

Kolosi 1:7

Gudfala fren Epafras wea hemi waka wetem mifala, hem nao hemi tisim olketa samting abaotem lav blong God long yufala. Hemi helpem mifala ya wea hemi wanfala gudfala wakaman long disfala waka blong Kraes.

1 Tesalonaeka 2:2

An yufala save tu dat taem mifala stap yet long taon long Filipae, olketa pipol barava spoelem mifala tumas an olketa tok nogud tu long mifala. Bat nomata plande pipol olketa agensim mifala, God blong yumi nao hemi strongim tingting blong mifala fo talemaot Gudnius blong hem long yufala.

2 Timoti 4:10

Yu save, Dimas hemi lusim mi nao, bikos hemi lavem tumas wei blong disfala wol, an hemi go finis long Tesalonaeka. An Kresens hemi go finis long Galesia, an Taetas hemi go finis long Dalmesia.

Taetas 1:4

Mi raet go long yu Taetas. Yu barava olsem san blong mi long Kristin biliv blong yumi. Letem kaenfala lav an piis blong God Dadi blong yumi an Jisas Kraes Sevia blong yumi, hemi stap wetem yu.

Filimon 1:17

Sapos yu barava tingim mi olsem gudfala fren blong yu, yu mas lukaftarem hem gudfala olsem yu save lukaftarem mi gudfala, taem mi kasem haos blong yu.

Filimon 1:24

Mak, an Aristakas, an Dimas, an Luk, hu olketa waka tugeta wetem mi, olketa talem halo go long yu.

3 Jon 1:8

So hemi fitim fo yumi lukaftarem olketa man olsem, mekem yumi evriwan save waka tugeta fo talemaot disfala tru toktok.