2 Korin 8:20 - Pijin Bible

²⁰ Mifala traehad fo lukaftarem gud disfala bikfala koleksin, mekem no eniwan save tok nogud abaotem wei mifala lukaftarem.

Pijin Deuterocanon

²⁰ Mifala traehad fo lukaftarem gud disfala bikfala koleksin, mekem no eniwan save tok nogud abaotem wei mifala lukaftarem.

2 Korin 8:20 ပူးပေါင်းရင်းမြစ်များ

2 Kings 12:15

An olketa no wari fo sekap hao olketa bos blong olketa wakaman yusim seleni ya, bikos wei blong olketa i barava stret tumas.

Matiu 10:16

An Jisas hemi sei moa, “Yufala lisin kam fastaem, mi sendem yufala fo goaot olsem olketa sipsip wea olketa goaot long midol long olketa wael dog. So yufala mas olsem olketa snek wea olketa kleva tumas an yufala mas olsem olketa kurukuru wea olketa no save raf.

Leta wea Pol hemi raetem go long sios long Rom 14:16

Yufala mas no duim enisamting wea hemi save mekem pipol fo tokspoelem disfala gudfala wei blong yufala Kristin.

1 Korin 16:3

Nao taem mi kam kasem yufala, bae yufala mas siusim samfala man fo tekem koleksin blong yufala go long Jerusalem ya. An bae mi nao mi givim wanfala leta long olketa an mi sendem olketa go.

2 Korin 11:12

Samfala pipol laekem tumas fo haemapem olketa seleva an sei olketa wankaen wetem mifala aposol. So mi gohed nomoa long disfala wei mi save duim olowe, mekem mi stopem olketa long diswan.

2 Korin 8:19

Narasamting moa, olketa sios nao siusim hem finis fo go tugeta wetem mifala, taem mifala tekem go disfala koleksin fo mekhae long Masta an fo somaot dat yumi laekem tumas fo helpem olketa nara Kristin.

2 Korin 8:21

Mifala traehad tumas fo duim wanem hemi stret long ae blong Masta an long ae blong olketa pipol tu.

Efesas 5:15

So yufala mas lukaot long hao yufala stap. Yufala mas no stap olsem olketa pipol hu olketa no save yet long wanem hemi stret an gud. Bat yufala mas stap olsem pipol hu i garem waes tingting.

1 Tesalonaeka 5:22

an olketa nogud samting yufala mas no falom.