2 Korin 7:14 - Pijin Bible

¹⁴ Mi bin tokpraod abaotem yufala long Taetas, an yufala no mekem mi filsem long hem. Evrisamting mifala talem yufala hemi tru, an long sem wei tu, yufala bin somaot dat disfala tokpraod blong mifala abaotem yufala hemi tru.

Pijin Deuterocanon

¹⁴ Mi bin tokpraod abaotem yufala long Taetas, an yufala no mekem mi filsem long hem. Evrisamting mifala talem yufala hemi tru, an long sem wei tu, yufala bin somaot dat disfala tokpraod blong mifala abaotem yufala hemi tru.

2 Korin 7:14 ပူးပေါင်းရင်းမြစ်များ

Gudnius abaotem Jisas Kraes wea Jon hemi raetem 17:19

An from mi laek fo helpem olketa, mi givim laef blong mi finis long yu, mekem olketa tu save kamap barava pipol blong yu tru.

2 Korin 10:8

Masta hemi givim mifala paoa fo strongim biliv blong yufala, an hemi no fo daonem yufala. An nomata mi tokpraod lelebet abaotem disfala paoa, mi no save filsem long diswan.

2 Korin 12:6

Nomata mi tokpraod moa abaotem olketa drim, mi no krangge man ya, bikos bae mi save talem olketa tru samting nomoa. Bat bae mi no duim, bikos mi no laekem eniwan fo tinghae tumas long mi. Hemi fitim fo yufala tingabaotem mi nomoa, falom wanem mi bin talemaot an wanem mi bin duim.

2 Korin 2:13

Bat mi barava wari fogud, bikos mi no faendem fren blong mi Taetas. So mi gudbae long olketa pipol ya, an mi go olowe long Masedonia nao.

2 Korin 7:13

From disfala wei blong yufala nao mifala hapi tumas. Mifala filgud long yufala, an mifala hapi tumas tu long Taetas hu hemi hapi bikos yufala mekem maen blong hem fo filgud moa.

2 Korin 7:4

Mi barava trastem yufala, an mi praod tumas long yufala. Nomata enikaen trabol hemi kasem mifala, yufala mekem tingting blong mi i strong an mi barava hapi fogud.

2 Korin 7:6

Bat nomata olsem, God hu hemi save strongim tingting blong olketa hu i sore, hemi mekem mifala fo hapi moa taem Taetas hemi kam.

2 Korin 8:24

Yufala mas lavem trifala, mekem olketa sios long hia save herem abaotem wei blong yufala, an save dat mifala no rong fo tokpraod long yufala.

Filipae 1:26

An bikos mi save kam moa long yufala, bae yufala save barava hapi tumas moa long Jisas Kraes.

2 Tesalonaeka 1:4

Dastawe nao mifala gohed fo tokpraod abaotem yufala long olketa sios blong God. Mifala tokpraod abaotem disfala wei wea nomata yufala safa tumas an olketa spoelem yufala, bat yufala stanap strong an gohed nomoa fo biliv.