2 Korin 6:11 - Pijin Bible

¹¹ Olketa fren long Korin, mifala tok klia tumas long yufala. An mifala somaot dat mifala barava lavem yufala.

Pijin Deuterocanon

¹¹ Olketa fren long Korin, mifala tok klia tumas long yufala. An mifala somaot dat mifala barava lavem yufala.

2 Korin 6:11 ပူးပေါင်းရင်းမြစ်များ

Stori abaotem Job 32:20

Mi mas tok nao, mekem mi filgud moa.

Sams 119:32

Mi laekem tumas fo falom olketa strongfala toktok blong yu, bikos yu nao bae yu helpem mi fo save gudfala moa long olketa.

Sams 51:15

Masta, plis yu helpem mi fo tok, an bae mi preisim yu.

Aesaea 60:5

Taem yufala lukim olketa samting ya, bae yufala barava hapi tumas nao. Bikos bae olketa karim kam olketa risis from olketa narafala kantri. Bae olketa tekem kam olketa nambawan samting wea praes blong olketa hemi hae tumas, an givim long yufala.

Esikiel 33:22

Long ivining bifoa disfala man hemi kam long mi, Yawe hemi tasim mi long paoa blong hem. An bifoa man ya hemi lukim mi long moning, Yawe hemi mekem tang blong mi fri, an mi save toktok moa.

Habakuk 2:5

Ya, olketa praod pipol i laekem tumas fo dringim waen. Bat waen hemi save mekful long olketa, mekem olketa nating save stap hapi. Olketa ya i nating save hapi long wanem olketa garem, olsem wea Grev hemi open olowe nomoa fo man dae. Dastawe nao olketa gohed fo faet agensim olketa narafala kantri fo tekova long olketa.?

Aposol 18:1

Bihaen diswan, Pol hemi lusim Atens an hemi go moa long taon long Korin.

Aposol 18:8

Nao bikman blong disfala preahaos ya, nem blong hem Krispas, wetem evriwan long famili blong hem, olketa biliv long Masta. An plande pipol long Korin moa hu olketa herem Gudnius ya, olketa stat fo biliv an olketa baptaes nao.

2 Korin 12:15

Mi hapi tumas fo yusim evrisamting mi garem fo helpem yufala. Nomata laef blong mi tu, mi letem fo helpem yufala. ?So waswe, bikos mi lavem yufala bik tumas, bae yufala lavem mi lelebet nomoa?

2 Korin 2:4

Taem mi raetem leta ya, mi filnogud tumas an mi sore tumas go-go mi krae nao. An mi no raetem leta ya fo mekem yufala filnogud, bat fo mekem yufala save dat mi lavem yufala evriwan tumas.

Galesia 3:1

!Yufala krangge pipol long Galesia! Yufala i bin heremsave finis disfala toktok abaotem hao Jisas Kraes hemi dae antap long kros ya. ?So hu nao hemi poesenem tingting blong yufala distaem?

Galesia 4:12

Mi askem strong long yufala olketa fren, fo yufala mas falom wei blong mi, bikos mi kamap olsem yufala finis. Yufala ya, yufala no bin duim enisamting rong long mi ya.

Efesas 6:19

An yufala mas prea fo mi tu, mekem God bae hemi givim mi olketa toktok fo talemaot. Sapos olsem, bae mi no save fraet taem mi talemaot wanem hemi bin staphaed long Gudnius.

Efesas 6:8

Yufala mas save dat Masta ya nao bae hemi givim gudfala samting long yufala fitim gudfala waka blong yufala, nomata yufala slev o fri nomoa.

Filipae 1:8

God hemi luksave dat mi lavem yufala tumas long sem wei wea Jisas Kraes hemi lavem yufala.

Filipae 4:15

Yufala long Filipae, yufala seleva save finis dat taem mi jes stat fo talemaot disfala Gudnius an mi lusim Masedonia, no eni sios bin helpem mi long taem ya. Bat yufala nomoa tingim mi an helpem mi.

Revelesin 22:12

Nao Jisas hemi tok olsem, “Yu lisin gudfala, no longtaem nomoa, bae mi kambaek moa. An bae mi tekem kam olketa pei blong olketa pipol fo givim long olketa, falom wanem evriwan hemi bin duim.

1 Samuel 2:1

Den Hana hemi prea olsem, “!Yawe hemi mekem mi win! !Mi barava hapi tumas long disfala samting wea yu duim! Distaem mi save la-laf nomoa long olketa enemi blong mi bikos yu helpem mi.