2 Korin 13:8 - Pijin Bible

⁸ Mifala no save duim enisamting fo agensim disfala tru toktok, bat mifala save sapotem nomoa disfala tru toktok.

Pijin Deuterocanon

⁸ Mifala no save duim enisamting fo agensim disfala tru toktok, bat mifala save sapotem nomoa disfala tru toktok.

2 Korin 13:8 ပူးပေါင်းရင်းမြစ်များ

1 Kings 22:28

Den Maekaea hemi tokaot olsem, “Sapos yu kambaek an yu oraet nomoa, hem nao hemi minim dat Yawe hemi no talem toktok ya long mi.” An hemi tokaot moa olsem, “!Yufala evriwan mas herem nao wanem mi bin talem!”

Provebs 21:30

Waes tingting, gudfala save, an nambawan plan, trifala evriwan no save win agensim Yawe.

Provebs 26:2

Olsem smol bed i no save stap kuaet, toktok fo spoelem stretfala man i no save mekem trabol kasem hem.

Gudnius abaotem Jisas Kraes wea Mak hemi raetem 9:39

Nao Jisas hemi talem olketa olsem, “Yufala no trae fo stopem hem. Man hu hemi mekem mirakol long nem blong mi, hemi no save talem nogud samting abaotem mi ya.

2 Korin 10:8

Masta hemi givim mifala paoa fo strongim biliv blong yufala, an hemi no fo daonem yufala. An nomata mi tokpraod lelebet abaotem disfala paoa, mi no save filsem long diswan.

2 Korin 13:10

Dastawe mi raetem go disfala leta taem mi no stap wetem yufala yet. Bikos taem bae mi go kasem yufala, mi no laek fo hatem yufala long wei wea mi mas yusim disfala paoa blong Masta. Paoa ya hemi givim long mi, mekem mi save strongim biliv blong yufala, an no fo spoelem yufala.

2 Korin 13:7

An mifala prea long God, mekem hemi helpem yufala fo no duim enisamting wea hemi rong. Mifala no prea olsem bikos mifala laekem disfala gudfala laef blong yufala fo somaot dat mifala nao gudfala wakaman. Nomoa. Mifala laekem nomoa yufala fo gohed long olketa gudfala wei, nomata olketa pipol tingse mifala no bin pasim test ya.

2 Korin 13:9

Mifala hapi tumas sapos yufala stap strong, nomata mifala wik. So mifala prea, mekem yufala save kamap barava nambawan.

1 Timoti 1:20

Tufala hu i joenem olketa ya nao Haemeneas an Aleksanda. Mi bin givim tufala go long han blong Seitan, mekem tufala save luksave dat tufala mas no gohed fo tokspoelem God.