2 Korin 11:25 - Pijin Bible

²⁵ Trifala taem nao olketa bikman blong Rom i bin wipim mi long stik. Wanfala taem olketa pipol trae fo sutim mi dae long ston. Trifala taem sip hemi reke wetem mifala, an wanfala taem nao mi flot insaet long solwata fo tuenti-foa aoa.

Pijin Deuterocanon

²⁵ Trifala taem nao olketa bikman blong Rom i bin wipim mi long stik. Wanfala taem olketa pipol trae fo sutim mi dae long ston. Trifala taem sip hemi reke wetem mifala, an wanfala taem nao mi flot insaet long solwata fo tuenti-foa aoa.

2 Korin 11:25 ပူးပေါင်းရင်းမြစ်များ

Matiu 20:19

An bae olketa givim mi go moa long han blong olketa pipol hu i no Jiu, mekem olketa mekfan long mi an wipim mi moa. An bae olketa nilam mi dae long kros tu, bat long mektri de bae mi laefbaek moa.”

Matiu 21:35

Bat olketa man ya olketa kasholem olketa wakaman ya nomoa, an olketa ki-kilim wanfala long olketa, an kilim dae narawan, an narawan moa olketa sutim dae long ston.

Aposol 14:19

Nao bihaen diswan, samfala bikman blong Jiu blong Antiok long Pisidia an blong Aekoniam, olketa kam an mekem olketa pipol blong Listra fo falom toktok blong olketa nao. An olketa sutim Pol dae long ston an olketa pulum hem go aotsaet long taon. Olketa tingse hemi dae finis.

Aposol 14:5

Nao samfala Jiu an samfala hu i no Jiu wetem olketa bikman blong olketa, olketa mekem wanfala plan fo go an kilim Pol an Banabas an sutim tufala dae long ston.

Aposol 16:33

An long barava taem long naet ya, bikman ya hemi lukaftarem gud tufala an hemi wasim evri soa long bodi blong tufala nao. An semtaem tu, hem wetem evriwan long famili blong hem, olketa baptaes.

Aposol 16:37

Bat Pol hemi tok olsem long olketa pulis ya, “Mitufala i man blong Rom ya, bat olketa nating jajem kes blong mitufala long kot. Nomoa nao. Olketa bin wipim mitufala nating long ae blong olketa pipol, an olketa bin putum mitufala insaet long prisin nomoa. ?An waswe, distaem olketa wande fo raosim mitufala goaot haed nomoa ya? !Nating nao ya! Olketa seleva nao i mas kam an lidim mitufala goaot from prisin.”

Aposol 22:24

So disfala kapten long ami ya hemi talem olketa soldia fo tekem Pol go insaet long eria blong ami nao. Hemi talem olketa fo wipim Pol, an kuestinim hem fo faendemaot waswe nao olketa pipol ya olketa singaot bikfala agensim hem olsem.

1 Timoti 1:19

Yu mas gohed fo holemstrong biliv an gudfala tingting blong yu. Samfala pipol i lusim finis gudfala tingting blong olketa, mekem biliv blong olketa hemi nogud finis tu.

Hibrus 11:37

Samfala ya, olketa enemi i sutim olketa dae long ston, o olketa katem bodi blong olketa long tufala haf, o olketa kilim olketa dae wetem naef fo faet. Olketa ya, olketa i pua tumas wea olketa save werem nomoa olketa skin blong sipsip an nanigot, an olketa enemi i save mekful long olketa an duim enikaen ravis samting long olketa.