2 Korin 1:12 - Pijin Bible

¹² Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

Pijin Deuterocanon

¹² Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

2 Korin 1:12 ပူးပေါင်းရင်းမြစ်များ

2 Samuel 22:22

Oltaem mi gohed fo falom wei blong Yawe, an mi nating gorong from hem.

Stori abaotem Job 13:15

Maet God hemi kilim mi dae, bat mi no save weit fo hemi sevem mi. So bae mi tok stret long ae blong hem fo som dat wei blong mi i stret nomoa.

Aesaea 38:3

“O Yawe. Plis yu tingim mi. Oltaem nomoa mi waka fo yu long evri paoa blong mi an evri tingting blong mi, an mi traehad fo duim evrisamting wea yu laekem.” An hemi krae bikfala bikos hemi filnogud tumas.

Aposol 23:1

Pol hemi luk stret go long olketa man long Kansol an hemi sei, “Olketa wantok blong Israel, mi nating filsem long ae blong God, bikos olowe nomoa kam kasem tude, mi bin duim kam evrisamting wea God hemi talem yumi fo duim.”

Aposol 24:16

So mi barava traehad oltaem nomoa fo mekem tingting blong mi fo no filsem long ae blong God o long ae blong olketa pipol.

Leta wea Pol hemi raetem go long sios long Rom 9:1

Mi toktru ya bikos mi blong Kraes. Mi no save laea. An Holi Spirit hemi mekem klia long tingting blong mi dat mi no laea taem mi sei

1 Korin 1:17

Kraes hemi sendem mi fo waka fo talemaot Gudnius, an hemi no sendem mi fo baptaesim pipol nomoa. An mi no save talemaot Gudnius long diskaen wei blong olketa man hu i save kleva tumas, nogud disfala dae blong Kraes long kros hemi kamap samting nating nomoa.

1 Korin 12:8

Disfala Holi Spirit ya nomoa hemi givim spesol paoa long samfala pipol fo talemaot waes toktok, an long samfala pipol moa hemi givim paoa fo talemaot toktok wea hemi somaot bikfala save tumas.

1 Korin 15:10

Bat bikos God nao hemi lavem mi tumas, dastawe mi stap olsem distaem. An God hemi no westem lav blong hem nating. Nomoa ya. Mi bin wakahad tumas winim olketa nara aposol. Bat diswan hemi no barava waka blong mi seleva ya, kaenfala lav blong God nao hemi bin stap wetem mi fo duim diswan.

1 Korin 2:13

So taem yumi tokabaotem olketa samting ya, yumi no toktok falom tingting blong man, bat yumi toktok falom wanem Holi Spirit hemi bin tisim yumi long hem. Yumi talemaot olketa tru samting abaotem Holi Spirit long olketa pipol hu i garem Holi Spirit finis.

1 Korin 4:4

Mi no save tingim enisamting wea mi duim rong, bat hemi no minim wea mi stretfala man ya. Masta blong yumi, hem nomoa hemi garem paoa fo jajem mi.

1 Korin 5:8

So taem yumi joen tugeta long disfala Fist blong Pasova, yumi mas no garem eni olfala yist blong sin o enikaen ravis wei moa ya, bat yumi mas olsem bred wea hemi no garem eni yist long hem wea yumi klin gudfala an yumi save toktru nomoa.

2 Korin 1:17

?Waswe, yufala tingse mi toktok nating nomoa bikos mi no falom disfala plan blong mi ya? Nomoa. Mi no mekem plan falom wanem mi seleva laekem nomoa, an mi no save talem “Yes” an “No” long semtaem.

2 Korin 11:3

Bat mi wari tumas, nogud olketa lidim yufala fo gorong, mekem yufala lusim disfala wei fo stap klin an lavem Kraes tumas. Nogud hemi olsem taem snek ya hemi trikim Iv long laea blong hem.

2 Korin 2:17

Mifala no olsem plande nara pipol wea olketa talemaot toktok blong God bikos olketa laek fo winim seleni. Nomoa. God nao hemi siusim mifala, an mifala toktru olowe long ae blong hem. Bikos mifala stap joen wetem Kraes, mifala talemaot toktok blong hem olsem wakaman blong God.

2 Korin 4:2

Mifala lusim go olketa ravis wei wea hemi staphaed, an no save laea, an no save sensim toktok blong God. Nomoa nao. Mifala talemaot nomoa tru toktok olowe, mekem God an olketa pipol i luksave long gudfala wei blong mifala.

2 Korin 8:8

Mi no fosim yufala long diswan. Bat mi tokabaotem nomoa olketa sios hu i garem strongfala tingting fo helpem nara pipol, mekem mi save lukim sapos lav blong yufala hemi barava truwan tu.

Galesia 6:4

Evriwan mas lukluk gud long hem seleva, sapos waka blong hem hemi gud o nomoa. Sapos waka blong hem hemi gud, hemi save hapi long wei blong hem seleva, nomata hemi no lukluk tumas long wei blong nara man.

Efesas 6:14

So yufala mas stanap redi nao. Yufala mas werem strap blong yufala wea hem nao hemi tru toktok. An yufala mas werem spesol sote blong faet wea hem nao hemi stretfala wei blong yufala.

Filipae 1:10

An bae yufala save long evrisamting wea hemi stret gudfala. Long wei ya, bae yufala save stap klin an stret tumas long datfala De blong Kraes.

1 Tesalonaeka 2:10

Yufala save an God tu hemi save dat wei blong mifala fo helpem yufala hu i biliv, hemi klin an hemi barava stret an no enisamting hemi rong long hem.

1 Timoti 1:5

Nao sapos olketa falom disfala toktok blong mi ya, bae olketa save garem lav wea hemi kamaot long klin an stretfala laef an long barava trufala biliv.

Taetas 2:7

Yu Taetas, yu mas somaot gudfala wei long olketa, mekem olketa save falom yu. An tising blong yu mas stret oltaem, mekem olketa pipol save tinghevi long hem.

Hibrus 13:18

Yufala mas gohed fo prea fo mifala. Mifala savegud dat tingting blong mifala hemi stret an mifala laek fo duim nomoa evrisamting wea hemi stret gudfala.

Jemes 4:6

Bat nomata olsem, kaenfala lav blong God fo yumi, hemi bikfala moa winim diswan. Dastawe nao Buktambu hemi sei, “God hemi daonem eniwan hu hemi praod, bat hemi somaot kaenfala lav blong hem long olketa hu i hambol.”

Josua 24:14

Josua hemi tok olsem moa, “From olketa samting ya nao, yufala mas barava tinghae long Yawe long laef blong yufala, an yufala mas obeim hem, an oltaem tingting blong yufala mas stap strong long hem. Yufala mas torowem olketa laea god wea olketa grani blong yumi bin gohed fo wosipim bifoa long Mesopotemia, an long Ijip. Yawe nao hemi God blong yumi, an hem nomoa yumi mas obeim.

1 Pita 3:16

Bat yufala mas ansarem olketa long wei wea hemi kuaet an kaen. An yufala mas stret an laef blong yufala mas gud olowe, mekem olketa pipol hu i save tokspoelem yufala from gudfala wei blong yufala hu i falom Kraes, bae olketa filsem fogud.

1 Pita 3:21

An disfala wata hemi saen blong baptaes wea God hemi sevem yufala long hem distaem. Baptaes ya, hemi no fo wasimaot olketa doti long bodi blong yufala bat hemi fo som yufala mekem wanfala promis long God dat tingting blong yufala hemi stap tru long hem. An bikos Jisas Kraes hemi laefbaek moa, baptaes ya hemi garem paoa fo sevem yufala.