2 Kings 9:35 - Pijin Bible

³⁵ Bat wea, taem olketa go fo berem hem olketa no lukim bodi blong hem. Olketa lukim nomoa bon blong hed blong hem wetem olketa bon blong han an lek blong hem.

Pijin Deuterocanon

³⁵ Bat wea, taem olketa go fo berem hem olketa no lukim bodi blong hem. Olketa lukim nomoa bon blong hed blong hem wetem olketa bon blong han an lek blong hem.

2 Kings 9:35 ပူးပေါင်းရင်းမြစ်များ

2 Kings 9:10

An Jesebel, bae olketa dog nao i kaikaim bodi blong hem long Jesreel. An bae no eniwan save berem hem.’” Den hemi goaot from haos ya, an hemi ranawe.

2 Kings 9:34

Oraet, Jehu hemi go long haos blong King Joram fo kaikai an dring. An bihaen, hemi tok olsem, “Woman ya, Yawe hemi bin talem finis olsem bae hemi panisim hem, bat bikos hemi dota blong wanfala king, yufala mas go berem bodi blong hem.”

2 Kings 9:36

Taem olketa kam talem long Jehu, hemi tok olsem, “Hem nao Mesij blong Yawe hemi bin talem bifoa long wakaman blong hem, Profet Elaeja blong Tisbe. Hemi bin sei, ‘Olketa dog bae i kaikaim bodi blong Kuin Jesebel long Jesreel.

Stori abaotem Job 31:3

Hemi sendem bikfala trabol fo kasem olketa ravis man. Ya, bae hemi gohed fo spoelem olketa hu i gohed fo durong.

Eklesiastes 6:3

Maet wanfala man hemi garem longfala laef, an hemi garem 100 pikinini. Nomata olsem hemi nating hapi nomoa long laef blong hem, an bihaen, olketa pikinini blong hem no berem hem long gudfala wei. Long tingting blong mi, disfala laef blong hem, hemi nogud tumas winim pikinini wea hemi dae finis bifoa hemi bon kam.

Jeremaea 22:19

“Bae olketa pulum bodi blong yu go aotsaet long Jerusalem an torowem hem godaon long dea, olsem nao bodi blong wanfala dongki wea hemi dae.”

Jeremaea 36:30

Dastawe nao mi Yawe mi talemaot disfala toktok abaotem King Jehoeakim blong Jiuda olsem: No eniwan wea i bon kam long laen blong hem bae hemi save tekem ples blong King Deved ya bifoa, fo rul ovarem olketa pipol blong mi. Taem Jehoeakim hemi dae, bae olketa torowem ded bodi blong hem go long open ples nomoa, wea biksan bae hemi gohed fo bonem hem long de, an long naet bae tukol ya nao hemi spoelem hem.

Aposol 12:23

An Herod hemi nating talem olketa fo preisim God, so semtaem nomoa wanfala enjel blong Masta hemi mekem hem fo sik nao. An olketa smolfala wom olketa kaikaim hem, go-go hemi dae nao.