2 Kings 9:24 - Pijin Bible

²⁴ Den Jehu hemi tekem bou blong hem, an sutim hem. Nao aro ya hemi kasem King Joram long midol long tufala solda blong hem, an hemi gotru long haat blong Joram. Den hemi foldaon insaet long kaat fo faet ya, an hemi dae.

Pijin Deuterocanon

²⁴ Den Jehu hemi tekem bou blong hem, an sutim hem. Nao aro ya hemi kasem King Joram long midol long tufala solda blong hem, an hemi gotru long haat blong Joram. Den hemi foldaon insaet long kaat fo faet ya, an hemi dae.

2 Kings 9:24 ပူးပေါင်းရင်းမြစ်များ

1 Kings 19:17

Nao trifala ya bae kilim dae olketa enemi blong mi. Sapos eni man hemi ranawe from Hasael, Jehu bae hemi kilim hem dae. An sapos eni man hemi ranawe from Jehu, Elaesa bae hemi kilim hem dae.

1 Kings 21:29

“?Waswe, yu lukim wei wea King Ehab hemi hambol distaem? Bikos hemi mekem hem seleva lou long ae blong mi, bae mi no mekem trabol fo kasem hem taem hemi laef yet. Bat bae mi mekem trabol fo kasem laen blong hem long taem wea pikinini blong hem hemi king.”

1 Kings 22:34

Bat wanfala soldia blong Siria hemi gohed fo sut olobaot long bou blong hem, an hemi sutim King Ehab. Aro ya hemi gotru long joen blong spesol kaleko fo stopem aro. So king ya hemi tok olsem long draeva blong kaat fo faet blong hem, “Mi garekil nao. !Yu tanemraon kaat ya, mekem yumi goaot from faet!”

1 Kings 22:35

Bat faet ya hemi gohed strong, an olketa holem king ya fo stanap stret insaet long kaat fo faet, an hemi fesim go olketa soldia blong Siria. An blad blong hem hemi gohed fo ran godaon, an kavaremap botom blong kaat, an long datfala ivining hemi dae.

2 Kings 10:4

Bat olketa lida ya i fraet tumas, an olketa tok olsem, “Yumi ya, yumi nating fit fo go faet agensim man ya. Tufala king ya i no bin winim hem.”

2 Kings 10:9

Long moning, hemi go long geit ya, an hemi tok olsem long olketa man blong taon ya, “Yufala no fraet, yufala no fit fo panis long samting ya. Mi nao mi mekem plan fo agensim King Joram, an mi kilim hem dae. ?Bat hu nao hemi kilim dae olketa ya? !I no mi nomoa!

Sams 50:22

“Yufala wea i no save tingim mi, yufala herem kam olketa samting ya. Sapos nomoa, bae mi spoelem yufala finis, an no eniwan bae hemi sevem yufala.

Provebs 21:30

Waes tingting, gudfala save, an nambawan plan, trifala evriwan no save win agensim Yawe.

Sekaraea 13:6

An maet wanfala man hemi askem hem olsem, ??Bat mak blong olketa soa ya long sest blong yu, wanem hemi mekem olketa?? Sapos olsem, bae hemi laea olsem, ?Olketa mak ya, mi garem long haos blong olketa fren blong mi.??

1 Tesalonaeka 5:3

Pipol bae gohed fo toktok olsem, “Olketa samting i barava kuaet an stapgud nomoa.” Bat seknomoa, bikfala trabol bae hemi kam nao an barava spoelem olketa pipol, an bae olketa no save ranawe from diswan. Bae hemi kasem olketa kuiktaem nomoa olsem pein wea woman hemi filim taem hemi redi fo bonem pikinini.