2 Kings 9:18 - Pijin Bible

¹⁸ Den wanfala soldia hemi go long hos, an raed fo mitim olketa. Den hemi tok olsem, “King hemi ask olsem, ‘?Yufala kam fo mekem piis?’” Bat Jehu hemi tok olsem, “?Waswe nao yu intres long piis? Yu falom kam bihaen long mifala.” Nao sekiuriti ya hemi singaot olsem, “!Ei! !Soldia ya hemi kasem olketa bat hemi no kambaek!”

Pijin Deuterocanon

¹⁸ Den wanfala soldia hemi go long hos, an raed fo mitim olketa. Den hemi tok olsem, “King hemi ask olsem, ‘?Yufala kam fo mekem piis?’” Bat Jehu hemi tok olsem, “?Waswe nao yu intres long piis? Yu falom kam bihaen long mifala.” Nao sekiuriti ya hemi singaot olsem, “!Ei! !Soldia ya hemi kasem olketa bat hemi no kambaek!”

2 Kings 9:18 ပူးပေါင်းရင်းမြစ်များ

2 Kings 9:17

Nao sekiuriti long taoa blong bikfala wolston blong taon ya, hemi lukluk go farawe, an hemi lukim Jehu wetem olketa soldia blong hem. So hemi singaot olsem, “!Ei, mi lukim samfala soldia i kam farawe!” So King Joram hemi tok olsem, “Yu sendem wanfala soldia go long hos, mekem hem ask olsem, ‘?Waswe, yufala kam fo mekem piis?’”

2 Kings 9:19

So king hemi sendem go narafala soldia moa. An taem hemi kam kolsap long olketa, hemi tok olsem, “King hemi ask olsem, ‘?Yufala kam fo mekem piis?’” Bat Jehu hemi tok olsem, “?Waswe nao yu intres long piis? Yu falom kam bihaen long mifala.”

2 Kings 9:22

Den King Joram hemi askem Jehu olsem, “?Jehu, waswe, yu kam fo mekem piis?” Bat hemi tok olsem, “?Hao nao mifala save mekem piis? !Mami blong yu hemi gohed fo mekem evriwan yusim poesen grinlif, an wosipim olketa tambu kaving long narafala god!”

2 Kings 9:31

Taem Jenu hemi kasem geit blong wolston blong taon ya, Jesebel hemi singaot long hem olsem, “?Waswe yu kam fo mekem piis? !Nomoa! !Yu olsem Simri! !Yu man fo kilim dae masta blong yu!”

Aesaea 48:22

Hem ya toktok blong Yawe. Hemi tok olsem, “Olketa nogud pipol i no save garem piis long laef blong olketa.”

Aesaea 59:8

Yufala nating save nomoa long wei blong piis, an yufala no save falom stretfala wei fo jajem pipol. Hemi olsem wea yufala falom nomoa kruket rod, an eniwan hu hemi falom disfala rod hemi no save garem piis.

Jeremaea 16:5

Hem nao Yawe hemi tok olsem, “Yu mas no go insaet long haos wea olketa pipol gohed fo sore an krae fo man dae long hem. An yu mas no sore an krae wetem olketa, bikos distaem mi no blesim olketa, an mi no tinghevi long olketa, an mi no sore long olketa.

Leta wea Pol hemi raetem go long sios long Rom 3:17

Olketa nating save nomoa long wei blong piis,