2 Kings 8:3 - Pijin Bible

³ Nao long en blong sevenfala yia ya, hemi kambaek moa long Israel. Hemi go lukim king fo askem hem, mekem hem givimbaek moa lan an haos blong hem.

Pijin Deuterocanon

³ Nao long en blong sevenfala yia ya, hemi kambaek moa long Israel. Hemi go lukim king fo askem hem, mekem hem givimbaek moa lan an haos blong hem.

2 Kings 8:3 ပူးပေါင်းရင်းမြစ်များ

2 Samuel 14:4

Taem disfala woman blong Tekoa hemi go lukim king, hemi baodaon go-go fes blong hem hemi kasem graon fo mekhae long hem. An hemi tok olsem, “!King, plis yu helpem mi!”

2 Kings 4:13

Den profet hemi talem Gehasi fo tok olsem long woman, “Yu bin wakahad tumas fo helpem mitufala. ?Wanem nao mitufala save duim fo helpem yu? ?Waswe, mitufala save go toktok long king o long komanda long ami, fo yu.” Bat woman ya hemi ansa olsem, “Hem oraet. Mi stap olowe wetem olketa wantok long ples blong mi.”

2 Kings 6:26

Long wanfala de, king blong Israel hemi wakabaot antap long wolston blong biktaon ya, an wanfala woman hemi kam krae olsem long hem, “!O King, masta blong mi! !Plis yu helpem mi!”

2 Kings 8:2

So hemi falom toktok blong man blong God, an hem wetem olketa famili blong hem i goaot, an go stap long Filistia fo sevenfala yia.

2 Kings 8:4

An long datfala taem, king hemi gohed fo toktok wetem Gehasi, wakaman blong man blong God. King hemi laek fo herem olketa stori abaotem olketa mirakol wea Elaesa hemi bin duim.

2 Kings 8:6

Den king hemi askem olketa kuestin long woman ya, an woman ya hemi talem hem abaotem. Nao king hemi mekem wanfala bikman fo lukaftarem kes blong woman ya. Hemi sei long hem, “Yu givimbaek lan an haos blong woman ya. An yu givim hem olketa seleni wea yumi mas peim fo olketa kaikai wea yumi bin tekem long lan blong hem long sevenfala yia wea hemi no stap long Israel.”

Jeremaea 22:16

Taem hemi bin jajem olketa puaman an olketa hu i wik, hemi saetem olketa nao, an hemi garem barava gudfala laef. Long wei ya nao, hemi somaot dat hemi savegud long mi.