2 Kings 7:13 - Pijin Bible

¹³ Wanfala bikman blong hem hemi tok olsem, “King, plande pipol long hia i dae finis, an olketa hu i laef yet, bae i no longtaem an olketa dae tu. Yumi garem samfala hos i stap yet. Hemi gud fo yu siusim samfala man, an yu letem olketa tekem faefala hos ya. Olketa save go faendemaot wanem nao hemi hapen.”

Pijin Deuterocanon

¹³ Wanfala bikman blong hem hemi tok olsem, “King, plande pipol long hia i dae finis, an olketa hu i laef yet, bae i no longtaem an olketa dae tu. Yumi garem samfala hos i stap yet. Hemi gud fo yu siusim samfala man, an yu letem olketa tekem faefala hos ya. Olketa save go faendemaot wanem nao hemi hapen.”

2 Kings 7:13 ပူးပေါင်းရင်းမြစ်များ

2 Kings 5:13

Den olketa wakaman blong hem i kam kolsap long hem, an sei long hem, “Fata, sapos disfala profet hemi bin talem yu fo duim wanfala had samting, bae yu save duim. Bat samting wea hemi talem ya hemi isi nomoa. ?Waswe nao yu no go suim olsem wea hemi talem, mekem bodi blong yu hemi gudbaek moa?”

2 Kings 6:33

Taem hemi toktok yet, tufala kam kasem haos, an king hemi tok olsem, “!Olketa! Yawe nao hem mekem disfala trabol hemi kasem yumi. ?Waswe nao mi mas weit fo hemi sevem yumi?”

2 Kings 7:12

Oraet, king hemi getap long naet ya, an hemi tok olsem long olketa bikman blong hem, “!Mi savegud long wanem olketa blong Siria i duim! Olketa mekem trap nomoa. Olketa save dat yumi no garem kaikai, an yumi filnogud. So olketa lusim olketa haostent blong olketa wetem evrisamting blong olketa, an olketa go haed long bus. Olketa tingse bae yumi go aotsaet fo lukaotem kaikai, an taem ya nao bae olketa kasholem yumi, an bae olketa kam insaet long biktaon ya.”

2 Kings 7:14

So olketa siusim samfala man an olketa tekem tufala kaat fo faet, an king hemi talem olketa go fo faendemaot wanem nao hemi hapen long ami blong Siria.

2 Kings 7:4

Yumi no save go insaet long taon bikos bae yumi dae nomoa long hanggre. An sapos yumi stap long hia, bae yumi dae tu. Ating bae yumi trae go long ples blong ami blong Siria an givap long olketa. Sapos olketa kilim yumi dae, yumi dae. Bat sapos olketa no kilim yumi dae, yumi laef.”

Jeremaea 14:18

Sapos mi goaot long bus, mi lukim bodi blong olketa hu i dae long taem blong faet. An sapos mi go insaet long olketa taon ya, mi lukim olketa pipol hu i dae nao long hanggre. Olketa profet an olketa prist i gohed fo talemaot profesi blong olketa, bat olketa kanduit save wanem nao olketa duim.”

Lamentesin 4:9

Olketa no garem kaikai long gaden, mekem olketa fo barava dae long hanggre nao. Hemi moabeta fo olketa dae finis, olsem olketa hu i dae long faet.