2 Kings 6:29 - Pijin Bible

²⁹ So mitufala kukim pikinini blong mi an kaikaim. Bat long neks de mi sei olsem long hem, ‘Givim kam pikinini blong yu, mekem yumitufala kaikaim.’ Bat wea, hemi bin haedem.”

Pijin Deuterocanon

²⁹ So mitufala kukim pikinini blong mi an kaikaim. Bat long neks de mi sei olsem long hem, ‘Givim kam pikinini blong yu, mekem yumitufala kaikaim.’ Bat wea, hemi bin haedem.”

2 Kings 6:29 ပူးပေါင်းရင်းမြစ်များ

1 Kings 3:26

Bat woman hu hemi barava mami blong bebi ya hemi sore tumas long hem, an hemi singaot olsem, “Ooo, masta blong mi, yu no kilim bebi ya. Yu givim long woman ya.” Bat narafala woman hemi tok olsem, “!Nomoa, letem olketa katem long tufala haf! Long wei olsem, no eniwan long yumitufala hemi save garem.”

Aesaea 49:15

So, Yawe hemi tok olsem long olketa, “?Waswe, yufala tingse woman save fogetem nomoa bebi blong hem wea hemi susum? ?Yufala tingse hemi save les nomoa long pikinini blong hem wea hem seleva nao hemi bonem? !Nomoa nao! Nomata sapos wanfala woman hemi save fogetem pikinini blong hem, bat mi no save fogetem yufala.

Aesaea 66:13

An yufala long Jerusalem, bae mi mekem tingting blong yufala fo kamap gud moa, olsem wea woman hemi mekem pikinini blong hem fo hemi hapi moa.” Hem nao toktok blong Yawe.

Lamentesin 4:10

Bifoa, olketa mami i lukaftarem gudfala pikinini blong olketa. Bat bihaen taem God hemi spoelem pipol blong mi, olketa mami i kilim pikinini ya, an kukim fo kaikaim.

Levitikas 26:27

“Sapos olketa panis ya i no mekem yufala fo tane kambaek long mi, bat yufala gohed nomoa fo agensim mi,

Levitikas 26:29

Bae yufala barava hanggre go moa winim bifoa, go-go bae hemi mekem yufala fo kaikaim olketa pikinini blong yufala seleva.

Diutronomi 28:52

Olketa enemi bae i kam faet agensim olketa taon long disfala lan blong yufala. An bae olketa save brekemdaon olketa bikfala wolston blong olketa taon ya wea yufala trastem olketa fo gadem yufala long lan wea Yawe hemi givim long yufala.

Diutronomi 28:53

“Long taem wea olketa enemi blong yufala i kam raonem olketa taon blong yufala, bae yufala filnogud tumas bikos yufala no garem kaikai. Bae yufala barava hanggre fogud go-go yufala tekem olketa pikinini blong yufala wea Yawe hemi givim long yufala, an yufala kaikaim olketa.