2 Kings 3:24 - Pijin Bible

²⁴ Bat taem olketa soldia blong Moab i kam kasem ples ya, olketa soldia blong Israel i go faetem olketa, an ronem olketa gobaek. Olketa blong Israel i go long lan blong Moab an aftarem olketa soldia blong hem, go-go olketa kilim olketa dae.

Pijin Deuterocanon

²⁴ Bat taem olketa soldia blong Moab i kam kasem ples ya, olketa soldia blong Israel i go faetem olketa, an ronem olketa gobaek. Olketa blong Israel i go long lan blong Moab an aftarem olketa soldia blong hem, go-go olketa kilim olketa dae.

2 Kings 3:24 ပူးပေါင်းရင်းမြစ်များ

1 Kings 20:21

An King Ehab an ami blong Israel i goaot an kilim dae olketa soldia blong Siria. An olketa barava spoelem olketa hos an kaat fo faet blong ami blong Siria.

2 Kings 3:23

So olketa tok olsem, “!Hem blad ya! !Ating trifala king ya an olketa soldia blong olketa i bin faet an ki-kilim olketa seleva nomoa! !Yumi go long olketa haostent blong olketa, mekem yumi tekem evrisamting blong olketa!”

2 Kings 3:25

An olketa gohed fo spoelem evri taon blong olketa. An taem olketa gopas long eni gudfala graon blong olketa, olketa tekem olketa ston an torowem go long hem, go-go evri gaden long Moab i fulap long ston. An olketa gohed fo berem olketa springwata an katemdaon evri tri blong kaikai blong olketa. Olketa gohed fo duim olsem go-go bikfala taon long Kia-Hareset nomoa hemi stap. An olketa soldia fo su-sut long sling nao i kam hipap raonem taon ya an faet long hem tu.