2 Kings 3:11 - Pijin Bible

¹¹ Bat King Jehosafat hemi sei, “?Waswe, no eni profet blong Yawe hemi stap long hia mekem yumi save go lukim hem fo faendemaot tingting blong Yawe?” Den wanfala komanda blong olketa soldia blong King Joram hemi tok olsem, “Profet Elaesa, san blong Safat, hemi stap long hia. Hem nao man wea hemi helpem Profet Elaeja bifoa.”

Pijin Deuterocanon

¹¹ Bat King Jehosafat hemi sei, “?Waswe, no eni profet blong Yawe hemi stap long hia mekem yumi save go lukim hem fo faendemaot tingting blong Yawe?” Den wanfala komanda blong olketa soldia blong King Joram hemi tok olsem, “Profet Elaesa, san blong Safat, hemi stap long hia. Hem nao man wea hemi helpem Profet Elaeja bifoa.”

2 Kings 3:11 ပူးပေါင်းရင်းမြစ်များ

Jenesis 18:4

Bae mi go tekem kam lelebet wata, mekem yufala save wasim lek blong yufala. Yufala save res lelebet long sado blong tri ya fastaem,

1 Kings 19:21

Nao Elaesa hemi gobaek long gaden. Hemi kilim tufala buluka blong hem, an hemi bonem olketa timba blong plao blong hem, an hemi kukim mit blong tufala buluka long faea ya. Den hemi givim mit long olketa pipol long dea, an olketa kaikaim. Bihaen hemi go falom Profet Elaeja fo helpem hem.

1 Kings 22:7

Bat King Jehosafat hemi askem olsem, “?Waswe, yu no garem eni profet blong Yawe wea yumi save askem hem fo faendemaot tingting blong Yawe?”

2 Kings 2:25

An hemi wakabaot go long maonten long Kaamel, an bihaen hemi gobaek long Samaria.

2 Kings 3:10

Den King Joram hemi tok olsem, “!Tufala! ?Hao nao ya? !Distaem Yawe hemi putum yumi finis long han blong king blong Moab!”

2 Kings 3:12

King Jehosafat hemi tok olsem, “Ya, hemi wanfala tru profet wea hemi save herem olketa Mesij blong Yawe.” So trifala king go fo lukim Elaesa.

2 Kings 3:3

Nomata olsem, hemi falom olketa nogud wei blong King Jeroboam, san blong Nebat, bifoa wea hemi bin mekem pipol blong Israel fo sin.

1 Kronikols 10:13

King Sol hemi dae bikos hemi no tinghevi long Yawe, an hemi no obeim olketa toktok blong hem. An hemi no askem Yawe fo advaes, bat hemi go askem wanfala woman hu hemi save toktok long olketa devoldevol. So Yawe hemi kilim hemi dae, an hemi siusim Deved san blong Jese, fo sensim hem fo kamap king.

1 Kronikols 14:10

So king hemi prea olsem long God, “?Waswe, sapos mi go faetem olketa, bae yu save helpem mi fo winim olketa?” An Yawe hemi ansarem hem olsem, “!Ya, yu go faetem olketa! !Bae mi helpem yu fo winim olketa!”

1 Kronikols 14:14

So Deved hemi askem Yawe wanem fo duim moa. Nao Yawe hemi ansarem hem olsem, “Taem yu go long ples ya, yu mas no go stret long olketa. Yu mas goraon an kam bihaen long olketa. Yu mas stanbae fo go faetem olketa kolsap long olketa baka tri long dea.

1 Kronikols 15:13

Lastaem, yufala Livaet no karim kam Tambu Boks ya, dastawe Yawe hemi panisim mifala. Yumi no askem hem abaotem barava wei fo karim Tambu Boks ya.”

2 Kronikols 18:6

Bat King Jehosafat hemi askem olsem, “?Waswe, yu no garem eni profet blong Yawe wea yumi save askem hem fo faendemaot tingting blong Yawe?”

Sams 74:9

Evri saen fo somaot paoa blong yu long mifala hemi nomoa nao. Distaem no eni profet nao hemi stap, an no eniwan long mifala nao hemi save wataem nao bae trabol ya hemi finis.

Jeremaea 37:17

Bihaen, King Sedekaea hemi sendem mesij fo olketa tekem Jeremaea kam long haos blong hem. Hemi askem hem olsem, “?Profet, waswe? ?Yawe hemi givim eni Mesij blong hem long yu, o nomoa?” Profet hemi ansa olsem, “Ya king, Yawe hemi talem dat bae yu kamap andanit long paoa blong king blong Babilonia.”

Emos 3:7

Ya, Lod Yawe hemi no duim enisamting sapos hemi no somaot yet long olketa profet hu i wakaman blong hem.

Filipae 2:22

Bat yufala luksave finis dat Timoti hemi no olsem olketa kaen pipol ya. Hemi bin helpem mi gudfala long disfala waka blong Gudnius, olsem wanfala pikinini hemi save helpem dadi blong hem.

1 Timoti 5:10

Hemi mas wanfala woman wea olketa pipol luksave long hem from hemi save duim olketa gudfala waka. Olketa waka olsem fo lukaftarem gud olketa pikinini blong hem, an fo letem olketa pipol stap long haos blong hem, an fo welkamem olketa Kristin pipol long haos blong hem, an fo helpem olketa pipol hu i garem trabol long laef blong olketa. Ya, hemi mas woman wea hemi traehad olowe fo duim enikaen gudfala waka.

Josua 1:1

Bihaen long taem wea Mosis hu hemi wakaman blong Yawe hemi dae finis, Yawe hemi tok long wanfala man wea bifoa hemi mektu lida hu hemi helpem Mosis. Man ya nao Josua, hu hemi san blong Nun.

Josua 9:14

Josua wetem olketa man blong Israel i joen wetem olketa nao fo kaikaim samfala long olketa kaikai wea olketa bin tekem kam. Bat olketa nating askem nomoa Yawe fastaem, fo save dat disfala samting hemi stret o nomoa.

Jajis 20:18

Oraet, olketa blong Israel i go long tambuples long Betel an prea olsem go long God, “?Hu long mifala nao bae hemi go fastaem fo faetem traeb blong Benjamin?” Yawe hemi ansa olsem, “Traeb blong Jiuda mas lidim yufala.”