2 Kings 25:25 - Pijin Bible

²⁵ Bat Ismael san blong Netanaea, hemi wanfala wantok blong king blong Jiuda. Long datfala yia, long mekseven mans blong hem, hemi tekem tenfala man wetem hem fo go long Mispa. Olketa kilim dae Gedalaea, an olketa kilim dae tu olketa man blong Jiuda an olketa man blong Babilonia wea i stap wetem hem long ples ya.

Pijin Deuterocanon

²⁵ Bat Ismael san blong Netanaea, hemi wanfala wantok blong king blong Jiuda. Long datfala yia, long mekseven mans blong hem, hemi tekem tenfala man wetem hem fo go long Mispa. Olketa kilim dae Gedalaea, an olketa kilim dae tu olketa man blong Jiuda an olketa man blong Babilonia wea i stap wetem hem long ples ya.

2 Kings 25:25 ပူးပေါင်းရင်းမြစ်များ

2 Kings 11:1

Taem Kuin Atalaea, mami blong King Ahasaea long Jiuda hemi lukim dat san blong hem hemi dae, hemi stat fo kilim dae evriwan long laen blong king blong Jiuda.

2 Kings 25:24

Den hemi mekem strongfala promis olsem long olketa, “Olketa. Yufala no fraetem olketa bikman blong Babilonia. Sapos yufala putum yufala seleva andanit long paoa blong olketa ya, an yufala gohed fo obeim king blong Babilonia, bae yufala save gohed fo stap gudfala long disfala lan.”

Jeremaea 40:15

Nao Johanan hemi toksmol olsem long hem, “Hemi gud tumas sapos yu letem mi go kilim Ismael ya dae, long wei wea no eniwan save hu nao hemi duim. Sapos hemi kilim yu dae, olketa pipol blong Jiuda ya wea i stap raonem ples blong yu distaem, bae olketa ranawe moa, an yumi blong Jiuda hu i stap yet i lus.”

Jeremaea 41:1

Long mekseven mans long sem yia ya, Ismael wetem tenfala man olketa go long Mispa fo lukim Gedalaea, san blong Ahikam. Ismael ya, hemi san blong Netanaea hu hemi san blong Elisama, an hemi wanfala long famili blong king, an hemi wanfala bikman blong hem. Taem olketa gohed fo kaikai tugeta long Mispa,

Jeremaea 41:2

Ismael wetem olketa man blong hem i stanap, an tekem naef fo faet blong olketa, an kilim Gedalaea dae.

Jeremaea 41:3

Olketa kilim tu olketa pipol blong Jiuda hu i stap wetem Gedalaea long Mispa, an olketa kilim olketa soldia blong Babilonia tu hu i stap long ples ya.

Sekaraea 7:5

?Sekaraea. Yu mas askem olketa prist an olketa pipol blong disfala lan olsem: Long las seventi yia, long mekfaev mans blong evri yia, an long mekseven mans tu, yufala bin gohed fo stop fo no kaikai an fo sore an krae. ?Waswe, yufala bin gohed fo duim olsem fo mekhae long mi? Nomoa.

Sekaraea 8:19

Hemi tok olsem, ?Olketa pipol blong Jiuda. Evri yia long mekfoa mans, an long mekfaev mans, an long mekseven mans, an long mekten mans, yufala bin mekem bikde wea yufala stop fo no kaikai. Bat distaem, olketa mans ya bae i kamap mans fo mekem fist, mekem yufala i hapi. Yufala mas laekem tumas tru toktok an stap gudfala tugeta long piis.