2 Kings 24:16 - Pijin Bible

¹⁶ An hemi tekem tu evriwan blong ami blong Jerusalem, hem nao 7,000 soldia wea fit fo faet, an 1,000 wakaman wea i save duim waka long aean.

Pijin Deuterocanon

¹⁶ An hemi tekem tu evriwan blong ami blong Jerusalem, hem nao 7,000 soldia wea fit fo faet, an 1,000 wakaman wea i save duim waka long aean.

2 Kings 24:16 ပူးပေါင်းရင်းမြစ်များ

2 Kings 24:14

An hemi fosim evriwan fo lusim Jerusalem. Olketa fosim aot olketa bikman an olketa komanda, an olketa wakaman hu i save duim waka long aean an long timba. Olketa evriwan i kasem olsem 10,000 pipol. Hemi lusim nomoa olketa pua pipol, olketa nao stap long lan blong Jiuda.

2 Kings 25:12

Bat samfala long olketa pua pipol, Nebusaradan hemi letem olketa stap long Jiuda fo waka long olketa gaden an long olketa plantesin blong grep.

1 Kronikols 9:1

Hem nao olketa rekod long olketa nem blong evriwan blong Israel wea olketa bin raetem long buk abaotem olketa king blong Israel. Bikos pipol blong Jiuda i no tinghevi long God, ami blong Babilonia i bin fosim olketa blong Jiuda go long Babilonia.

Jeremaea 22:25

Bae mi putum yu long paoa blong olketa enemi ya wea yu fraetem tumas. Bae mi putum yu long paoa blong King Nebukadnesa blong Babilonia, wetem ami blong hem.

Jeremaea 29:2

Hemi raetem disfala leta, bihaen long taem wea olketa bin fosim King Jehoeakin, an mami blong hem hu hemi wanfala kuin, an olketa bikman blong hem, an olketa lida blong Jerusalem, an olketa lida blong olketa narafala taon long Jiuda, an olketa man hu i savegud hao fo wakem olketa gudfala samting, fo lusim Jerusalem an go stap long lan long Babilonia.

Jeremaea 52:28

Hem ya nao namba long olketa pipol wea King Nebukadnesa bin tekem long Babilonia: Long mekseven yia wea King Nebukadnesa hemi king long Babilonia, 3,023 pipol blong Jiuda i go.

Esikiel 17:13

Hemi tekem wanfala man wea hemi memba long laen blong king, an hemi mekem wanfala strongfala agrimen wetem hem, fo tufala kantri blong tufala bae save stap gudfala an no faet. An hemi fosim man ya fo mekem wanfala strongfala promis fo kipim disfala agrimen. Hemi fosim tu olketa lida blong yufala fo lusim lan ya,

Esikiel 17:3

Yu talem olketa dat mi Lod Yawe nao mi tok olsem: Wanfala bikfala igol wea hemi barava bik fogud, hemi flae kam antap long olketa maonten long Lebanon. Tufala wing blong hem hemi strong fogud, an hea blong hem hemi long tumas an garem plande deferen kala long hem. Hemi holem brans antap long wanfala sida tri,