2 Kings 24:15 - Pijin Bible

¹⁵ King Nebukadnesa hemi tekem King Jehoeakin wetem mami blong hem, an olketa waef blong hem, an olketa bikman blong haos blong hem, an olketa lida blong Jiuda. Hemi tekem olketa ya go long biktaon long Babilon.

Pijin Deuterocanon

¹⁵ King Nebukadnesa hemi tekem King Jehoeakin wetem mami blong hem, an olketa waef blong hem, an olketa bikman blong haos blong hem, an olketa lida blong Jiuda. Hemi tekem olketa ya go long biktaon long Babilon.

2 Kings 24:15 ပူးပေါင်းရင်းမြစ်များ

2 Kings 20:18

Bae olketa tekem samfala long olketa pikinini wea bae i bon kam long laen blong yu, fo kamap wakaman insaet long haos blong king long Babilon.”

2 Kings 24:8

Long taem wea Jehoeakin hemi kamap king long Jiuda, hemi kasem eitin yia. An hemi king long Jerusalem fo trifala mans nomoa. An mami blong hem Nehusta hu hemi dota blong Elnatan, blong Jerusalem.

2 Kings 25:12

Bat samfala long olketa pua pipol, Nebusaradan hemi letem olketa stap long Jiuda fo waka long olketa gaden an long olketa plantesin blong grep.

2 Kings 25:27

Long mekteti-seven yia wea King Jehoeakin blong Jiuda hemi stap long prisin yet long Babilon, King Evil-Merodak hemi kamap king blong Babilonia. Nao long sem yia, long mektuel mans, long mektuenti-seven de blong hem, king ya hemi tekemaot King Jehoeakin from prisin ya, an letem hem fo go fri.

1 Kronikols 9:1

Hem nao olketa rekod long olketa nem blong evriwan blong Israel wea olketa bin raetem long buk abaotem olketa king blong Israel. Bikos pipol blong Jiuda i no tinghevi long God, ami blong Babilonia i bin fosim olketa blong Jiuda go long Babilonia.

2 Kronikols 36:10

Long taem tukol an ren hemi finis, King Nebukadnesa hemi mekem olketa man blong hem fo tekem Jehoeakin kam long Babilonia. An olketa tekem kam tu olketa tambu samting blong Tambuhaos blong Yawe. Den hemi tekem Sedekaea, hu hemi angkol blong King Jehoeakin, an mekem hem fo kamap king blong Jiuda long Jerusalem.

Esta 2:5

Oraet, wanfala man blong Jiuda hemi stap long Susa, wea nem blong hem nao Modekae. Hemi san blong Jaea, an Jaea hemi san blong Simei, wea grani blong hem nao Kis hu hemi wanfala long traeb blong Benjamin bifoa.

Esta 2:6

Long taem wea King Nebukadnesa blong Babilon hemi winim King Jehoeakin blong Jiuda long Jerusalem, hemi fosim King Jehoeakin wetem olketa pipol blong hem fo lusim lan blong olketa an go long ples blong hem. Wanfala long olketa pipol ya nao hemi wanfala long olketa olo grani blong Modekae.

Jeremaea 13:18

Nao Yawe hemi tok olsem long mi, “Yu talemaot long king an mami blong hem hu hemi wanfala kuin: Yutufala kamdaon from bikfala sea blong yufala, bikos tufala kraon blong yutufala i lus finis.

Jeremaea 29:2

Hemi raetem disfala leta, bihaen long taem wea olketa bin fosim King Jehoeakin, an mami blong hem hu hemi wanfala kuin, an olketa bikman blong hem, an olketa lida blong Jerusalem, an olketa lida blong olketa narafala taon long Jiuda, an olketa man hu i savegud hao fo wakem olketa gudfala samting, fo lusim Jerusalem an go stap long lan long Babilonia.

Jeremaea 52:28

Hem ya nao namba long olketa pipol wea King Nebukadnesa bin tekem long Babilonia: Long mekseven yia wea King Nebukadnesa hemi king long Babilonia, 3,023 pipol blong Jiuda i go.

Esikiel 17:12

“Yu mas askem olsem long olketa pipol ya hu i agensim mi, ‘?Waswe, yufala no save long mining blong disfala parabol?’ Yu talem olketa dat mi tok olsem long olketa: King blong Babilonia hemi go long Jerusalem, an hemi tekem king blong yufala wetem olketa bikman, an kam wetem long Babilonia.

Esikiel 17:13

Hemi tekem wanfala man wea hemi memba long laen blong king, an hemi mekem wanfala strongfala agrimen wetem hem, fo tufala kantri blong tufala bae save stap gudfala an no faet. An hemi fosim man ya fo mekem wanfala strongfala promis fo kipim disfala agrimen. Hemi fosim tu olketa lida blong yufala fo lusim lan ya,

Esikiel 17:3

Yu talem olketa dat mi Lod Yawe nao mi tok olsem: Wanfala bikfala igol wea hemi barava bik fogud, hemi flae kam antap long olketa maonten long Lebanon. Tufala wing blong hem hemi strong fogud, an hea blong hem hemi long tumas an garem plande deferen kala long hem. Hemi holem brans antap long wanfala sida tri,

Esikiel 19:9

Olketa hukum hem, an pulum hem go insaet long wanfala boks, fo karim go long king blong Babilonia. Olketa putum insaet long prisin, mekem no eniwan save herem moa voes blong hem antap olketa maonten long Israel.

Daniel 1:3

King Nebukadnesa hemi tokstrong long Aspenas hu hemi hed blong olketa wakaman blong hem, fo luk long olketa pipol blong Israel hu i waka olsem slev long ples ya, an fo siusim samfala yang man from famili blong king, an samfala moa from olketa famili blong olketa bikman.