2 Kings 23:11 - Pijin Bible

¹¹ Long datfala taem, olketa kaat fo faet, an olketa hos blong olketa i stap. Bifoa, olketa king blong Jiuda i bin mektambu long olketa fo wosipim san. Olketa stap insaet long eria raonem Tambuhaos kolsap long rum blong wanfala bikman, Natan-Melek. Bat King Josaea hemi raosim olketa hos ya, an hemi bonem olketa kaat ya long faea.

Pijin Deuterocanon

¹¹ Long datfala taem, olketa kaat fo faet, an olketa hos blong olketa i stap. Bifoa, olketa king blong Jiuda i bin mektambu long olketa fo wosipim san. Olketa stap insaet long eria raonem Tambuhaos kolsap long rum blong wanfala bikman, Natan-Melek. Bat King Josaea hemi raosim olketa hos ya, an hemi bonem olketa kaat ya long faea.

2 Kings 23:11 ပူးပေါင်းရင်းမြစ်များ

2 Kings 23:5

Long datfala taem, olketa prist wea olketa king blong Jiuda i bin siusim fo mekem sakrifaes long olketa narafala tambuples i stap long olketa taon long Jiuda an kolsap long Jerusalem. Olketa prist ya bin gohed fo mekem sakrifaes go long Baal, an long san, an long mun, an long olketa bikfala sta an long olketa grup long sta tu. King Josaea hemi raosim olketa prist ya.

1 Kronikols 26:18

Fofala sekiuriti i gadem saet long west long open eria raonem Tambuhaos, an tufala sekiuriti i gadem varanda blong hem.

2 Kronikols 14:5

An king ya hemi gohed fo brekemdaon olketa tambuples, an hemi aotem olketa olta fo bonem insens long evri taon long Jiuda. Nao olketa pipol blong hem i stap gudfala an garem piis.

2 Kronikols 34:4

Hemi lidim olketa pipol blong hem fo go brekemdaon olketa olta blong Baal, an spoelem olketa olta fo bonem insens long olketa olta ya. Hemi brekem olketa tolfala tambu kaving blong Asera wetem olketa narafala tambu kaving. Hemi pisisim olketa ya an torowem olobaot long olketa grev blong olketa man hu i bin mekem sakrifaes long olketa ya.

Stori abaotem Job 31:26

Nomata san hemi saen bikfala, an mun hemi luknaes tumas, bat mi nating wosipim nomoa eniwan long tufala.

Esikiel 40:17

Den man ya hemi tekem mi go insaet long bikfala open eria aotsaet long Tambuhaos. Olketa mekem tetifala rum insaet, bihaen long bikfala wol wea hemi stap raonem datfala bikfala open eria. Frant long olketa rum ya an raonem disfala bikfala open eria, olketa putum olketa flat ston fo mekem floa wea pipol save wakabaot long hem.

Esikiel 8:16

Hemi tekem mi go moa insaet long disfala smol eria kolsap long Tambuhaos blong hem. Long ples ya nao tuenti-faev man i stanap kolsap long doa blong Tambu Rum, midol long olta an varanda long frant blong haos ya. Olketa tane go from Tambuhaos ya, an gohed fo luk go long ist. Olketa baodaon go long ist fo wosipim san taem hemi kamap long antap.

Diutronomi 4:19

Yufala mas keakea nogud samfala man laea long yufala, an pulum yufala fo baodaon an wosipim olketa samting wea yufala lukim long skae, olsem san, an mun, an sta. Yawe hemi givim olketa samting ya olsem blesing long olketa evri pipol.