2 Kings 22:1 - Pijin Bible

¹ Long taem wea Josaea hemi kamap king long Jiuda, hemi kasem eit yia nomoa. An hemi king long Jerusalem fo teti-wan yia. An mami blong hem hemi Jedida wea hemi dota blong Adaea blong taon long Boskat.

Pijin Deuterocanon

¹ Long taem wea Josaea hemi kamap king long Jiuda, hemi kasem eit yia nomoa. An hemi king long Jerusalem fo teti-wan yia. An mami blong hem hemi Jedida wea hemi dota blong Adaea blong taon long Boskat.

2 Kings 22:1 ပူးပေါင်းရင်းမြစ်များ

1 Kings 13:2

Disfala man hemi talemaot Mesij blong Yawe, so hemi tokagensim olta ya. Hemi singaot olsem, “!Yu olta ya! Yawe nao hemi tok olsem: Bae wanfala pikinini hemi bon kam long laen blong King Deved wea nem blong hem hemi Josaea. Hem bae hemi tekem kam olketa prist blong olketa tambuples wea i bonem sakrifaes antap long yu distaem, an bae hemi kilim dae olketa ya antap long yu. An bae hemi bonem olketa bon blong olketa man ya antap long yu.”

2 Kings 11:21

Taem Joas hemi kamap king blong Jiuda, hemi kasem seven yia nomoa.

2 Kings 21:1

Taem Manase hemi kamap king long Jiuda, hemi kasem tuelfala yia nomoa. Hemi king long Jerusalem fo fifti-faev yia. An mami blong hem hemi Hefsiba.

2 Kings 21:24

Den olketa pipol blong Jiuda i go kilim dae olketa bikman hu i bin kilim dae Amon, an olketa mekem Josaea, san blong Amon fo kamap king.

2 Kings 21:26

Olketa berem King Amon long spesol gaden wea olketa kolem, “Gaden blong Usa”. Nao Josaea, san blong Amon, hemi sensim hem fo kamap king.

Sams 8:2

Nomata olketa pikinini an olketa bebi tu i gohed singsing fo preisim yu. Yu stap long wanfala strongfala sefples wea olketa enemi blong yu i no save faet agensim yu. An olketa wea i gohed fo agensim yu olketa no save spoelem yu.

Eklesiastes 10:16

Kantri bae hemi garem bikfala trabol, sapos bikman blong hem hemi wanfala krangge yang man, an olketa lida blong hem i mekem olketa fist olowe long moning.

Aesaea 3:4

Yawe hemi tok olsem, “Bae mi mekem olketa yang boe fo kamap sif blong yufala, an olketa smolfala pikinini nomoa fo rul ovarem yufala.”

Jeremaea 1:2

Yawe hemi stat fo talemaot olketa Mesij blong hem long profet ya long taem wea King Josaea, san blong Amon, hemi kasem mektetin yia fo rul long Jiuda,

Esikiel 18:14

“Nao tingim disfala ravis man hemi garem wanfala san, bat nomata disfala san blong hem hemi luksave long evri sin long dadi blong hem, hemi nating falom nomoa.

Sefenaea 1:1

Hem ya nao Mesij blong Yawe wea hemi talemaot long Profet Sefenaea, san blong Kusi, long taem wea King Josaea, san blong King Amon, hemi king long Jiuda. Profet ya hemi blong laen blong King Hesekaea. King Hesekaea hemi dadi blong Amaraea, an Amaraea hemi dadi blong Gedalaea, an Gedalaea hemi dadi blong Kusi, an Kusi hemi dadi blong Profet Sefenaea.

Matiu 1:10

an Hesekaea hemi dadi blong Manase, an Manase hemi dadi blong Emon, an Emon hemi dadi blong Josaea,

Josua 15:39

an Lakis, an Boskat, an Eglon,