2 Kings 21:23 - Pijin Bible

²³ Nao olketa bikman blong hem i mekem plan agensim hem, an olketa kilim hem dae insaet long haos blong hem.

Pijin Deuterocanon

²³ Nao olketa bikman blong hem i mekem plan agensim hem, an olketa kilim hem dae insaet long haos blong hem.

2 Kings 21:23 ပူးပေါင်းရင်းမြစ်များ

1 Kings 15:27

Long mektri yia wea King Asa hemi king long Jiuda, Baasa san blong Ahaeja, long traeb blong Isaka, hemi mekem plan fo kilim dae King Nadab. So hemi kilim hem dae long taem wea King Nadab an olketa soldia blong hem i raonem taon long Gibeton long Filistia fo faet long hem. Nao Baasa hemi sensim hem fo kamap king long Israel.

1 Kings 16:9

Simri hemi wanfala komanda long haf long olketa kaat fo faet blong King Ela. Nao Simri hemi mekem plan fo kilim dae king ya. Wanfala de, king ya hemi stap long Tiasa, an hemi gohed fo dring long haos blong Arasa hu hemi bos long bikfala haos blong king.

2 Kings 12:20

Hemi garem tufala bikman, wea nem blong tufala, Josabad, san blong Simeat, an Jehosabad, san blong Soma. Nao tufala mekem plan fo kilim hem dae. So tufala kilim hem dae long Jerusalem long graon wea olketa bin fulumap fo mekem hem levol. Ples ya hemi kolsap long rod fo go long Sila. Bihaen, olketa berem hem long beregraon blong olketa olfala king long Biktaon blong King Deved. San blong hem, Amasaea, hemi sensim hem fo kamap king.

2 Kings 14:19

Samfala man long Jerusalem i mekem plan fo kilim hem dae, bat hemi ranawe go long taon long Lakis. Bat olketa sendem samfala man fo go bihaen long hem an olketa kilim hem dae long taon ya.

2 Kings 15:25

Wanfala komanda long ami blong hem hemi Peka, san blong Remalaea. Nao hemi mekem plan fo kilim dae King Pekahaea. So hemi tekem fifti man blong Gilead, an olketa kam kilim hem dae insaet long strongfala sefples long haos blong king long Samaria. An olketa kilim dae tu Agob an Arie. So Peka hemi kamap king.

2 Kings 15:30

Long mektuenti yia wea King Jotam, san blong King Asaraea, hemi king long Jiuda, Hosea, san blong Ela, hemi mekem plan fo kilim King Peka. So hemi kam faetem an kilim hem dae. Den hemi sensim hem fo kamap king.

2 Kings 9:27

Taem King Ahasaea hemi lukim samting ya, hem tu hemi tanem kaat fo faet blong hem, an hemi ranawe go long taon long Bet-Hagan. Bat Jehu hemi aftarem hem, an hemi tok olsem long olketa soldia blong hem, “!Yufala sutim hem dae!” King Ahasaea hemi falom rod go long Gua, an taem hemi kam kolsap long taon long Ibleam, olketa sutim hem. Bat hemi traehad, an go-go hemi kasem taon long Megido. Den hemi dae long taon ya.