2 Kings 21:20 - Pijin Bible

²⁰ King ya tu hemi duim olketa nogud samting long ae blong Yawe, olsem wea dadi blong hem King Manase hemi duim.

Pijin Deuterocanon

²⁰ King ya tu hemi duim olketa nogud samting long ae blong Yawe, olsem wea dadi blong hem King Manase hemi duim.

2 Kings 21:20 ပူးပေါင်းရင်းမြစ်များ

2 Kings 21:11

“!Olketa pipol blong Jerusalem wetem olketa narafala pipol blong Jiuda! King Manase hemi duim olketa barava ravis samting. Wei blong hem hemi nogud go moa winim wei blong olketa pipol blong Amoa bifoa. Hemi gohed fo yusim olketa tambu kaving blong hem fo lidim yufala fo mekem sin. Dastawe nao mi Yawe, God blong Israel, mi tok olsem: Bae mi mekem wanfala trabol wea hemi barava nogud fogud fo kasem yufala long Jerusalem an long olketa narafala ples blong Jiuda. Taem olketa narafala pipol i herem nius abaotem samting ya, bae olketa barava sapraes tumas.

2 Kings 21:21

Hemi falom wei blong dadi blong hem, an hemi gohed fo wosipim olketa tambu kaving wea dadi blong hem hemi bin wosipim fastaem.

2 Kings 23:32

King Jehoahas hemi duim olketa ravis samting long ae blong Yawe olsem olketa grani blong hem.

2 Kings 23:37

King ya hemi duim olketa nogud samting long ae blong Yawe olsem olketa grani blong hem bifoa.

2 Kings 24:19

King ya hemi duim olketa nogud samting long ae blong Yawe, olsem wea King Jehoeakim hemi bin duim.

2 Kings 24:9

King ya hemi duim olketa nogud samting long ae blong Yawe, olsem dadi blong hem.

Nambas 32:14

!Bat wea, hemi luk olsem yufala laek fo duim semsamting wea olketa bin duim! Yufala nao i pikinini blong olketa an yufala sensim olketa long ravis wei. Ating yufala laek fo mekem Yawe hemi kros long yumi moa.

Matiu 23:32

!So yufala gohed nomoa fo duim semsamting wea olketa olo blong yufala, olketa bin duim!”

Aposol 7:51

“Maewat, yufala barava bikhed tumas ya. Tingting blong yufala hemi olsem olketa hu i no Jiu, an yufala nating wande fo herem toktok blong God. Oltaem, yufala agensim Holi Spirit olsem olketa olo blong yufala long bifoa.