2 Kings 21:13 - Pijin Bible

¹³ Bae mi panisim yufala, olsem wea mi panisim olketa pipol blong Samaria wetem King Ehab an laen blong hem. Bae mi aotem yufala evriwan fo mekem ples ya hemi klin fogud, olsem wea man hemi wasim plet fo mekem hemi klin gudfala, an hemi stap.

Pijin Deuterocanon

¹³ Bae mi panisim yufala, olsem wea mi panisim olketa pipol blong Samaria wetem King Ehab an laen blong hem. Bae mi aotem yufala evriwan fo mekem ples ya hemi klin fogud, olsem wea man hemi wasim plet fo mekem hemi klin gudfala, an hemi stap.

2 Kings 21:13 ပူးပေါင်းရင်းမြစ်များ

1 Kings 14:10

“‘So from olketa samting ya, bae mi mekem bikfala trabol fo kam spoelem olketa long laen blong yu, mekem yufala no kamap king moa. Bae mi kilim dae evri man, nomata hemi slev o hemi fri. Bae mi finisim yufala evriwan, olsem man hemi bonem olketa ravis samting.

2 Kings 10:11

Den Jehu hemi kilim dae olketa narafala man long laen blong King Ehab long Jesreel, an olketa bikman, an olketa fren blong king ya, an olketa prist blong hem. Hemi kilim dae olketa evriwan.

2 Kings 17:6

Den long meknaen yia blong King Hosea blong Israel, king blong Asiria hemi winim Samaria, an hemi fosim olketa pipol blong Israel fo go long kantri blong hem. Hemi sendem samfala fo stap go long taon long Hala, an long provins blong Gosan long Haboa Riva, an long olketa taon long Media.

2 Kings 21:14

Long datfala taem, olketa pipol blong mi hu i laef yet, bae mi putum olketa go long han blong olketa enemi blong olketa. Olketa enemi ya bae i winim olketa, an bae olketa tekem evrisamting blong olketa, an gobaek long ples blong olketa.

2 Kings 23:27

Yawe hemi bin tok olsem, “Bae mi raosim yufala blong Jiuda, barava olsem wea mi bin raosim olketa blong Israel bifoa. An bae mi les long Jerusalem wea mi bin siusim bifoa, an bae mi les tu long Tambuhaos wea mi bin talem hemi ples fo wosipim nem blong mi.”

2 Kings 9:8

Evriwan long laen blong King Ehab, nomata i slev o i fri, evri man ya mas dae.

Aesaea 10:22

Olketa pipol blong Israel, nomata yufala plande tumas distaem olsem sanbis long saet si, bat long datfala taem, bae samfala long yufala nomoa i laef. Wei blong Yawe nao hemi stret fogud, an hemi bin talemaot finis wea bae hemi spoelem finis olketa pipol blong hem.

Aesaea 14:23

Bae mi mekem taon ya fo kamap wanfala bikfala krik, an bae hemi kamap ples blong olketa aol tu. An bae mi tekem wanfala brum wea hemi naf fo brumum aot evrisamting, mekem ples ya hemi emti finis.” Hem nao mesij blong Yawe hu hemi garem evri paoa.

Aesaea 28:17

Stretfala wei fo jajem pipol bae hemi olsem string fo mesarem faondesin, an wei fo duim stret long evrisamting bae hemi olsem ledlaen fo mekem wolston fo hemi stret. Bae olketa ston blong aes i foldaon kam olsem ren, an daonem olketa laea toktok wea yufala trastem. An bae riva hemi ran bikfala, an hemi karimaot olketa trik ya wea yufala tingse hemi kipim yufala sef.

Aesaea 34:11

Bae olketa wael bed olsem olketa deferen kaen aol an olketa blak reven tu i stap long ples ya, an bae ples ya hemi kamap ples blong olketa nao. Bae Yawe hemi spoelem Idom finis fo hemi olsem taem wea hemi no wakem yet disfala wol.

Jeremaea 25:9

bae mi mekem olketa pipol blong olketa kantri long not wetem wakaman blong mi King Nebukadnesa blong Babilonia, fo kam faet agensim disfala lan long Jiuda wetem evri pipol wea i stap long hem, an agensim tu pipol blong olketa kantri wea i stap raonem yufala. Bae mi spoelem olketa ya fogud fo evritaem olowe. An evri pipol hu i gotru long olketa lan ya bae i tokspoelem hem. Bae i seke fogud an toknogud long hem.

Lamentesin 2:8

Yawe hemi garem strongfala tingting fo brekemdaon olketa wolston blong Jerusalem. Hemi makem finis olketa wolston ya, an somaot paoa blong hem fo spoelem olketa. Olketa foldaon finis olsem man wea hemi barava wik, mekem hemi sore an krae.

Esikiel 7:5

Lod Yawe nao hemi gohed fo tok olsem, “!Trabol! Bikfala trabol hemi gohed fo kam nao wea no eniwan hemi lukim kaen samting bifoa.

Sekaraea 1:16

?Dastawe nao Yawe, hemi tok olsem, ?Bae mi kambaek long Jerusalem, fo somaot sore blong mi fo olketa. An bae olketa bildimbaek moa Tambuhaos blong mi, an wakem gudfala disfala taon ya tu.?