2 Kings 19:24 - Pijin Bible

²⁴ Mi bin digim wel long olketa narafala kantri, an mi bin dringim wata long wel ya. Mi bin step long olketa riva long Ijip, go-go hemi drae evriwan.’

Pijin Deuterocanon

²⁴ Mi bin digim wel long olketa narafala kantri, an mi bin dringim wata long wel ya. Mi bin step long olketa riva long Ijip, go-go hemi drae evriwan.’

2 Kings 19:24 ပူးပေါင်းရင်းမြစ်များ

Jenesis 26:15

Bifoa, long taem wea dadi blong hem hemi laef yet, olketa wakaman blong dadi blong hem olketa bin digim olketa wel olobaot long ples ya, bat, olketa man long Filistia i joles tumas, so olketa go an berem olketa wel ya moa.

2 Samuel 17:13

Bat sapos hemi ranawe go insaet long wanfala taon, bae olketa soldia blong yumi mas tekem olketa rop an pulum godaon wolston blong taon ya, mekem evri ston blong wolston i lus long wanfala vali.”

1 Kings 20:10

Oraet, Ben-Hadad hemi sendem narafala mesij long King Ehab olsem, “Bae mifala kam spoelem Samaria. An mifala bae brekem evri haos blong yufala, go-go lelebet dast nomoa bae i stap fo mifala karimaot. An mi talem stret long yu, sapos mi no duim samting ya, letem olketa god kilim mi dae.”

Eksodas 15:9

“Enemi blong mifala i tok olsem, ‘!Bae mi aftarem olketa! !Bae mi kasholem olketa! Bae mi kilim olketa dae long naef fo faet, an bae mi barava winim olketa. Bae mi divaedem evrisamting blong olketa ya long olketa pipol blong mi, an bae mi kipim olsem wea mi laekem.’

Aesaea 19:6

Olketa smolfala wata wea olketa digim fo watarem olketa gaden, bae hemi drae an smel fogud. Olketa tolfala gras wea i grou long saet wata, bae i dae evriwan.

Daniel 4:30

An hemi tok olsem, “!Maewat! !Babilon hemi wanfala bikfala taon ya! Mi nao mi bildim bikfala taon ya blong mi, fo somaot bikfala paoa blong mi wea mi nao mi king, an mi garem hae nem, mekem olketa pipol save tinghae long mi.”