2 Kings 18:37 - Pijin Bible

³⁷ So trifala ya Eliakim, an Sebna, an Joa i barava filnogud tumas, an trifala brekem nao kaleko blong trifala. So trifala ya i kam nao long king an talem hem evrisamting wea disfala komanda blong Asiria bin talem.

Pijin Deuterocanon

³⁷ So trifala ya Eliakim, an Sebna, an Joa i barava filnogud tumas, an trifala brekem nao kaleko blong trifala. So trifala ya i kam nao long king an talem hem evrisamting wea disfala komanda blong Asiria bin talem.

2 Kings 18:37 ပူးပေါင်းရင်းမြစ်များ

Jenesis 37:29

Bat taem Ruben hemi gobaek moa long wel ya, hemi nating lukim Josef insaet nao. So hemi barava filnogud tumas, an hemi gohed fo brekem kaleko blong hem seleva bikos hemi sore tumas.

Jenesis 37:34

Jekob hemi brekem olketa kaleko blong hem bikos hemi barava sore fogud. So hemi werem olketa ravis kaleko nomoa, an hemi gohed krae longtaem fo pikinini blong hem ya.

2 Samuel 8:16

Long taem ya, Joab, san blong Seruia, hemi komanda long ami. Jehosafat, san blong Ahilud, hemi kipim olketa rekod blong king.

2 Kings 18:18

Den olketa talem Hesekaea fo kam toktok wetem olketa. So trifala bikman blong Jiuda, Eliakim, an Sebna, an Joa nao i kam fo mitim olketa. Eliakim hemi bos long haos blong king, an dadi blong hem nao Hilkaea. Sebna hemi sekretri blong king, an Joa hemi kipim olketa ripot blong king, an dadi blong hem nao Asaf.

2 Kings 18:26

Nao Eliakim, an Sebna, an Joa i tok olsem long hem, “Komanda, plis yu tok kam long langguis ya Arameik. Mifala save nomoa ya. Hemi nogud fo yu tok kam long langguis blong mifala, bikos evri man blong ples hu i sidaon antap long wolston ya i heresave nomoa.”

2 Kings 18:36

Bat olketa pipol i stap kuaet nomoa an nating givim eni ansa, bikos King Hesekaea bin stopem olketa fo no ansarem hem.

2 Kings 19:1

Taem King Hesekaea hemi herem ripot abaotem disfala samting, hemi filnogud tumas, an hemi brekem kaleko blong hem tu. Hemi werem nomoa olketa ravis kaleko, an hemi go long Tambuhaos blong Yawe.

2 Kings 22:11

An taem king hemi herem olketa toktok blong buk ya, hemi filnogud nao an hemi brekem kaleko blong hem.

2 Kings 5:7

Taem king blong Israel hemi ridim leta ya, hemi filnogud tumas, an hemi brekem kaleko blong hem. Hemi tok olsem, “!Wanfala trabol nao ya! King blong Siria hemi tingse mi save finisim sik blong man ya, bat mi no God. Mi no garem paoa fo mekem man hemi laef, o fo letem man hemi dae. Hemi klia nomoa wea olketa laek fo raoa long mi.”

2 Kings 6:30

Taem king hemi herem disfala toktok, hemi sore tumas, an hemi brekem kaleko blong hem. Hemi gohed fo wakabaot long wolston, an olketa pipol wea i stap kolsap long wolston ya, olketa lukim dat andanit long kaleko blong king hemi werem ravis kaleko wea i som hemi sore tumas.

2 Kronikols 32:1

Bihaen long evrisamting wea king Hesekaea hemi duim bikos hemi tinghevi long Yawe, King Senakerib blong Asiria, hemi kam wetem ami blong hem long Jiuda. Olketa faet agensim olketa taon blong Jiuda wea i garem wolston raonem, bikos king blong Asiria hemi tingting fo tekova long olketa taon ya.

Esra 9:3

Taem mi herem samting ya, tingting blong mi hemi daon fogud, nao mi brekem kaleko blong mi, an mi pulumaot hea long hed blong mi wetem biad blong mi, an mi go sidaon bikos mi filnogud tumas.

Stori abaotem Job 1:20

Job hemi stanap an hemi brekem kaleko blong hem, an hemi katemaot hea blong hem bikos hemi barava sore tumas. Hemi leidaon wetem fes blong hem long graon an hemi preisim Yawe.

Aesaea 22:20

“Long datfala taem, bae mi kol fo wakaman blong mi Eliakim, san blong Hilkaea.

Aesaea 33:7

!Yufala lukim! Distaem olketa strongfala man blong olketa fo faet i ran olobaot nao falom olketa rod long Jerusalem an gohed krae fo help. Olketa hu i bin trae fo mekem piis i krae bikfala moa.

Jeremaea 36:24

Taem king wetem olketa bikman blong hem i herem olketa toktok ya, olketa no fraet, an olketa no brekem kaleko fo somaot dat olketa sore fogud.

Matiu 26:65

Long taem ya, Haeprist hemi barava kros tumas, so hemi brekem kaleko blong hem nao, an hemi sei, “!Hemi tokspoelem God nao ya! Hemi naf nao. Yumi no lukaotem eni man moa fo tok agensim hem. Yufala seleva herem finis wea hemi tokspoelem God nao ya.