2 Kings 18:27 - Pijin Bible

²⁷ Bat hemi tok olsem long trifala, “?Waswe, yutrifala tingse king blong mi hemi sendem mi kam fo talem olketa samting ya long yutrifala nomoa wetem masta blong yufala? !Nomoa ya! Olketa antap long wolston ya tu mas herem toktok ya. Bae no longtaem, olketa ya mas kaikaim ravis wea hemi kamaot long olketa seleva an dringim ravis wata wea olketa seleva i pasim finis, olsem wea yutrifala tu mas duim, bikos no eni kaikai an dring bae hemi stap long ples ya.”

Pijin Deuterocanon

²⁷ Bat hemi tok olsem long trifala, “?Waswe, yutrifala tingse king blong mi hemi sendem mi kam fo talem olketa samting ya long yutrifala nomoa wetem masta blong yufala? !Nomoa ya! Olketa antap long wolston ya tu mas herem toktok ya. Bae no longtaem, olketa ya mas kaikaim ravis wea hemi kamaot long olketa seleva an dringim ravis wata wea olketa seleva i pasim finis, olsem wea yutrifala tu mas duim, bikos no eni kaikai an dring bae hemi stap long ples ya.”

2 Kings 18:27 ပူးပေါင်းရင်းမြစ်များ

2 Kings 18:17

King Senakerib hemi stap yet long taon long Lakis, an hemi sendem komanda blong hem, an nara tufala nambawan bikman blong hem wetem plande soldia fo go long Jerusalem wea King Hesekaea hemi stap long hem. Olketa kam an stap long rod wea hemi go long ples wea olketa save wasim kaleko. Olketa stanap kolsap long ples wea wata hemi ran goaot long disfala pul long wata wea hemi antap.

2 Kings 18:26

Nao Eliakim, an Sebna, an Joa i tok olsem long hem, “Komanda, plis yu tok kam long langguis ya Arameik. Mifala save nomoa ya. Hemi nogud fo yu tok kam long langguis blong mifala, bikos evri man blong ples hu i sidaon antap long wolston ya i heresave nomoa.”

2 Kings 18:28

So komanda ya hemi singaot bikfala olsem long langguis ya Hibru, “!Olketa! !Lisin kam long toktok blong Bikfala King blong Asiria!

2 Kings 6:25

Olketa stap olsem go-go taem blong hanggre kasem olketa long biktaon. So praes blong olketa kaikai i hae tumas. Wanfala hed blong dongki, olketa salem fo eiti silva seleni, an wanfala kap wael bin, olketa salem fo faev silva seleni.

Sams 73:8

Olketa mekfan long olketa stretfala pipol, an toktok nomoa abaotem olketa nogud samting. Olketa praod fogud, an gohed fo mekem nomoa olketa ravis plan fo spoelem olketa narafala pipol.

Aesaea 36:12

Bat hemi tok olsem long trifala, “?Waswe, yutrifala tingse king blong mi hemi sendem mi kam fo talem olketa samting ya long yutrifala nomoa wetem masta blong yufala? !Nomoa ya! Olketa antap long wolston ya tu mas herem toktok ya. Bae no longtaem, olketa ya mas kaikaim ravis wea hemi kamaot long olketa seleva an dringim ravis wata wea olketa seleva i pasim finis, olsem wea yutrifala tu mas duim, bikos no eni kaikai an dring bae hemi stap long ples ya.”

Lamentesin 4:4

Olketa smolfala pikinini ya i barava dae fo wata. Olketa pikinini i askem kaikai, bat no eniwan nao givim.

Lamentesin 4:5

Bifoa, olketa pipol bin kaikaim nambawan kaikai. Distaem, olketa hanggre an dae nomoa long rod. Olketa hu i grouap long haos blong olketa risman, distaem olketa lukaotem kaikai long ravis hip.

Esikiel 4:13

Long disfala sem wei nao, bae olketa blong Israel i stap long narafala kantri wea mi ronemaot olketa long hem, an olketa mas kaikaim kaikai wea hemi barava no klin long ae blong mi an hemi tambu fo olketa kaikaim.”

Esikiel 4:15

So hemi tok olsem long mi, “Oraet, bae mi letem yu fo yusim nomoa ravis blong buluka, fo yu mekem long faea fo kukim bred blong yu.”