2 Kings 18:18 - Pijin Bible

¹⁸ Den olketa talem Hesekaea fo kam toktok wetem olketa. So trifala bikman blong Jiuda, Eliakim, an Sebna, an Joa nao i kam fo mitim olketa. Eliakim hemi bos long haos blong king, an dadi blong hem nao Hilkaea. Sebna hemi sekretri blong king, an Joa hemi kipim olketa ripot blong king, an dadi blong hem nao Asaf.

Pijin Deuterocanon

¹⁸ Den olketa talem Hesekaea fo kam toktok wetem olketa. So trifala bikman blong Jiuda, Eliakim, an Sebna, an Joa nao i kam fo mitim olketa. Eliakim hemi bos long haos blong king, an dadi blong hem nao Hilkaea. Sebna hemi sekretri blong king, an Joa hemi kipim olketa ripot blong king, an dadi blong hem nao Asaf.

2 Kings 18:18 ပူးပေါင်းရင်းမြစ်များ

2 Samuel 20:24

Adoniram, hemi bos long olketa man wea king hemi fosim olketa fo waka. Jehosafat, san blong Ahilud, hemi kipim olketa rekod blong king.

1 Kings 4:3

Elihoref an Ahaeja, tufala san blong Sisa, tufala raetem olketa toktok blong king. Jehosafat, san blong Ahilud, hemi kipim olketa rekod blong king.

2 Kings 18:26

Nao Eliakim, an Sebna, an Joa i tok olsem long hem, “Komanda, plis yu tok kam long langguis ya Arameik. Mifala save nomoa ya. Hemi nogud fo yu tok kam long langguis blong mifala, bikos evri man blong ples hu i sidaon antap long wolston ya i heresave nomoa.”

2 Kings 18:37

So trifala ya Eliakim, an Sebna, an Joa i barava filnogud tumas, an trifala brekem nao kaleko blong trifala. So trifala ya i kam nao long king an talem hem evrisamting wea disfala komanda blong Asiria bin talem.

2 Kings 19:2

An hemi sendem tufala bikman blong hem, Eliakim an Sebna wetem olketa hed prist, fo go lukim Profet Aesaea, san blong Amoj. Olketa tu i filnogud an werem olketa ravis kaleko.

2 Kronikols 34:8

Long mekeitin yia wea Josaea hemi king, hemi gohed fo mekem lan blong Jiuda an Tambuhaos blong Yawe, i klin moa long ae blong hem. So hemi siusim trifala man fo wakembaek Tambuhaos ya. Nem blong trifala ya i olsem: Safan, san blong Asalaea, an Maasea hu hemi bikman blong Jerusalem, an Joa, san blong Joahas. Joa hemi kipim olketa rekod blong king.

Aesaea 33:7

!Yufala lukim! Distaem olketa strongfala man blong olketa fo faet i ran olobaot nao falom olketa rod long Jerusalem an gohed krae fo help. Olketa hu i bin trae fo mekem piis i krae bikfala moa.

Aesaea 36:22

So trifala ya Eliakim, an Sebna, an Joa i barava filnogud tumas, an trifala brekem nao kaleko blong trifala. So trifala ya i kam nao long king an talem hem evrisamting wea disfala komanda blong Asiria bin talem.

Aesaea 36:3

Long taem ya, trifala bikman blong Jiuda, Eliakim, an Sebna, an Joa nao i kam fo mitim hem. Eliakim hemi bos long haos blong king, an dadi blong hem nao Hilkaea. Sebna hemi sekretri blong king, an Joa hemi kipim olketa ripot blong king, an dadi blong hem nao Asaf.

Aesaea 37:2

An hemi sendem tufala bikman blong hem, Eliakim an Sebna wetem olketa hed prist, fo go lukim Profet Aesaea, san blong Amoj. Olketa tu i filnogud an werem olketa ravis kaleko.