2 Kings 18:1 - Pijin Bible

¹ Long mektri yia wea King Hosea, san blong Ela, hemi king long Israel, Hesekaea, san blong King Ehas, hemi kamap king long Jiuda.

Pijin Deuterocanon

¹ Long mektri yia wea King Hosea, san blong Ela, hemi king long Israel, Hesekaea, san blong King Ehas, hemi kamap king long Jiuda.

2 Kings 18:1 ပူးပေါင်းရင်းမြစ်များ

2 Kings 15:30

Long mektuenti yia wea King Jotam, san blong King Asaraea, hemi king long Jiuda, Hosea, san blong Ela, hemi mekem plan fo kilim King Peka. So hemi kam faetem an kilim hem dae. Den hemi sensim hem fo kamap king.

2 Kings 16:2

Long datfala taem, hemi kasem tuenti yia. An hemi king long Jerusalem fo sikstin yia. Bat hemi no falom olketa gudfala wei blong olfala grani blong hem King Deved. Ehas hemi gohed fo duim olketa samting wea i no stret long ae blong Yawe.

2 Kings 16:20

Taem hemi dae, olketa berem hem long beregraon blong olketa olfala king long Biktaon blong King Deved. An san blong hem Hesekaea nao hemi sensim hem fo kamap king.

2 Kings 17:1

Long mektuel yia wea King Ehas hemi king long Jiuda, Hosea, san blong Ela, hemi kamap king long Israel. Hemi king long Samaria fo naenfala yia.

2 Kings 18:9

Oraet, long mekfoa yia wea King Hesekaea hemi king long Jiuda, King Salmanesa blong Asiria an ami blong hem, i kam faet long Samaria an hipap raonem hem. Long datfala taem, King Hosea hemi king long Israel long mekseven yia blong hem.

1 Kronikols 3:13

an Ahas hemi bonem Hesekaea, an Hesekaea hemi bonem Manase, an Manase hemi bonem Amon,

2 Kronikols 28:27

Taem hemi dae, olketa berem hem long Jerusalem bat i no long beregraon blong olketa king. An san blong hem, Hesekaea hemi sensim hem fo kamap king.

2 Kronikols 29:1

Taem Hesekaea san blong Ehas hemi kamap king long Jiuda, hemi kasem tuenti-faev yia. An hemi king long Jerusalem fo tuenti-naen yia. Mami blong hem hemi Abaeja hu hemi dota blong Sekaraea.

2 Kronikols 29:29

Bihaen, king wetem olketa evriwan i baodaon fo wosipim Yawe.

Maeka 1:1

Hem ya nao Mesij blong Yawe wea hemi talemaot long Profet Maeka blong taon long Moreset. Yawe hemi somaot Mesij ya long hem insaet long olketa spesol drim long taem blong King Jotam, an long taem blong King Ehas, an long taem blong King Hesekaea. Olketa evriwan ya i king blong Jiuda. Olketa spesol drim ya hemi profesi abaotem olketa pipol blong taon long Samaria, wea hemi kapitol blong Israel, an olketa pipol blong taon long Jerusalem, wea hemi kapitol blong Jiuda.